16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Որ դեպքում կավելանա անապահովության նպաստի չափը․ հուլիսի 1-ից գնահատման նոր համակարգ կգործի․ ՏԵՍԱՆՅՈՒԹ
Հասարակություն
16.06.2026 | 12:25
Վարկային պարտավորությունները, գազի սպառման ծավալը և մի շարք այլ չափանիշներ այլևս չեն խոչընդոտի անապահովության նպաստ ստանալուն։ Աշխատանքի և սոցիալական հարցերի նախարարի տեղակալ Լուսինե Քոչարյանի խոսքով՝ անապահովության գնահատման նոր համակարգում կատարված փոփոխությունների արդյունքում համակարգում կընդգրկվեն նաև այն ընտանիքները, որոնք նախկինում տարբեր բացառող գործոնների պատճառով դուրս էին մնում նպաստառուների ցանկից։
«Հիմա մենք փոխել ենք և վարկի վաղեմությունը և հստակ նշել ենք, թե որքան ժամանակ մարումներ չպետք է լինեն, որ այս գործոնը բացառող չհանդիսանա: Նախկինում 18-ից 22 տարեկան կրթություն ստացող անձի համար եկամուտ չէր հաշվարկվում կամ վերագրվում, իսկ տվյալ դեպքում մենք տարիքային սահմանափակումը հանել ենք: Այսինքն՝ անկախ տարիքից, եթե անձը որոշել է ստանալ այլ մասնագիտություն կամ բարելավել իր գիտելիքները, անապահովության նպաստի հաշվարկման բանաձևում այդ եկամուտը չի վերագրվում: Նաև, եթե ընտանիքի անդամը վերադարձել է զինվորական ծառայությունից կամ քրեակատարողական հիմնարկից և դեռ վեց ամիսը չի լրացել, ապա այս դեպքում ևս եկամուտ չենք վերագրում, քանի որ անձը դեռևս պետք է աշխատանք գտնի, նորից ներառվի ամենօրյա կյանքում, որ նոր մենք համարենք, որ անձը աշխատունակ է և եկամուտ վերագրվի»,- ասաց Քոչարյանը։
Նա հիշեցրեց, որ նոր համակարգը 2025 թվականից փորձարկվել է Կոտայքի և Սյունիքի մարզերում, իսկ այժմ կառավարությանը ներկայացվել են մի շարք փոփոխություններ, որոնք մշակվել են փորձնական փուլի ընթացքում արձանագրված խնդիրների հիման վրա։ Նախարարի տեղակալի խոսքով՝ նոր թվային համակարգը յուրաքանչյուր ամիս ինքնաշխատ կերպով վերագնահատելու է ընտանիքների սոցիալական վիճակը։ Այն քաղաքացիները, որոնք նախկինում դուրս են մնացել համակարգից, կարող են նոր դիմում ներկայացնել և գնահատվել արդեն նոր չափանիշներով։
Ներկայում Կոտայքի և Սյունիքի մարզերում նոր համակարգով նպաստ է ստանում 1280 ընտանիք։ Նպաստի միջին չափը կազմում է 86 հազար դրամ, իսկ առավելագույնը՝ 280 հազար դրամ։ Համեմատության համար՝ նախկին համակարգում միջին նպաստը մոտ 29 հազար դրամ էր։
Մանրամասները՝ տեսանյութում։
