05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ընտրակաշառք բաժանած ուժերը բողոքելու բան չունեն. Վահե Հովհաննիսյան․ ՏԵՍԱՆՅՈՒԹ
Հասարակություն
15.06.2026 | 13:23
Ֆինանսների նախարար Վահե Հովհաննիսյանը հերքել է ընդդիմության պնդումները, թե կառավարությունը ընտրություններից առաջ սոցիալական ծրագրեր է իրականացրել ընտրողների աջակցությունը ստանալու նպատակով։
ԱԺ-ում լրագրողների հետ զրույցում, անդրադառնալով այն դիտարկմանը, որ կենսաթոշակների բարձրացումն ու առողջապահական ապահովագրության ծրագրի ներդրումը կարող էին նպաստել իշխանության ընտրական արդյունքներին, Հովհաննիսյանն արձագանքել է. «Կառավարությունը ստեղծված է նրա համար, որ լավ բան անի։ Մենք դա արել ենք և՛ հինգ տարվա ընթացքում, և՛ ընտրություններից երկու կամ վեց ամիս առաջ»։
Հարցին, թե արդյոք ընդունելի է համարում ԿԸՀ-ի որոշումը, որի արդյունքում «Բարգավաճ Հայաստան» կուսակցությունը չի հայտնվել խորհրդարանում, Հովհաննիսյանը պատասխանել է, որ ընտրական իրավունքի մասնագետ չէ և չի կարող գնահատել որոշման իրավական կողմը։
Միևնույն ժամանակ նա հայտարարել է, որ «ընտրակաշառք բաժանած քաղաքական ուժերը բողոքելու որևէ բան չունեն»։
Անդրադառնալով հարցին, թե ինչու ընտրակաշառքի վերաբերյալ հրապարակված ձայնագրությունների առնչությամբ դեռևս դատական վճիռներ չկան, նախարարը նշել է, որ գործերը, հավանաբար, դեռ դատարան չեն հասել։
Մանրամասները՝ տեսանյութում։
