26.07.2026 | 17:48
Բախվել են երկու ջրային սկուտեր․ ջրափրկարարները քաղաքացիներին դուրս են բերել լճից
Գնաճի ռիսկեր կան, հիմնական ապրանքների գները աճել են․ ֆինանսների նախարար․ ՏԵՍԱՆՅՈՒԹ
Տնտեսություն
15.06.2026 | 13:09
2026 թվականի առաջին եռամսյակում համաշխարհային տնտեսությունում նկատվել են տարբեր միտումներ․ ԱՄՆ-ում և Չինաստանում գրանցվել են աճի կայուն տեմպեր, մինչդեռ Եվրագոտում տեմպերը դանդաղել են, իսկ Ռուսաստանի Դաշնությունում արձանագրվել է աճի անկում (աճը կազմել է ընդամենը 0.3%)։ Այս մասին ԱԺ-ում ֆինանսավարկային և բյուջետային հարցերի մշտական հանձնաժողովի արտահերթ նիստի ժամանակ ասաց ֆինանսների նախարար Վահե Հովհաննիսյանը։
Ըստ նախարարի՝ գնաճի ռիսկեր կան․ հիմնական ապրանքների գները աճել են։
2026 թվականի հունվար-մարտ ամիսներին ընդհանուր արտահանումն աճել է 4%-ով, սակայն հայկական ծագման ապրանքների արտահանումն աճել է 36.9%-ով։Ապրանքների ներմուծումն աճել է 4.6%-ով։
Հովհաննիսյանի խոսքով՝ զբոսաշրջիկների թիվն աճել է 172%-ով։ Ռուսաստանից զբոսաշրջիկների աճը հունվար-ապրիլին կազմել է 33.5%, իսկ այլ երկրներից՝ 16.5%։
Ոչ առևտրային զուտ դրամական փոխանցումներն աճել են 17.9%-ով։
Մարտի 31-ի դրությամբ կառավարության պարտքը կազմել է 5,311 միլիարդ դրամ։ Արտարժույթով արտահայտված պարտքը կազմում է 14 միլիարդ 68 միլիոն դոլար։
Մանրամասները՝ տեսանյութում։
