Հայաստանն ընտրեց Եվրոպան, բայց պետք է զգուշանա Պուտինի Ռուսաստանից․ ամերիկացի վերլուծաբան․ ՏԵՍԱՆՅՈՒԹ

Վարչապետ Նիկոլ Փաշինյանին և նրա «Քաղաքացիական պայմանագիր» կուսակցությանը վերընտրելով՝ Հայաստանի ժողովուրդն ընտրեց «Եվրոպան՝ Ռուսաստանի փոխարեն»։ Independence Media Avenue-ին տված հարցազրույցում անդրադառնալով հունիսի 7-ին ՀՀ-ում անցկացված խորհրդարանական ընտրությունների արդյունքներին՝ այս մասին ասել է «National Post»-ի վերլուծաբան Դայան Ֆրենսիսը։

Նա, միաժամանակ, կարծիք է հայտնել, որ Հայաստանը «վտանգավոր ուղի է մտնում», քանի որ Ռուսաստանի նախագահ Վլադիմիր Պուտինը «չափազանց դժգոհ է այն ամենից, ինչ տեղի է ունենում»։

Ֆրենսիսը նաև նշել է, որ Մոսկվան տեսնում է՝ ինչպես է անհետանում իր, այսպես կոչված, ազդեցության ոլորտը, և իր ունեցած ցանկացած լծակ կօգտագործի՝ դեպի Արևմուտք Երևանի շրջադարձը կանգնեցնելու համար։

«Նրանք պետք է ամբողջությամբ պատրաստ լինեն նրան, որ այն բոլոր գործողությունները, որ Ռուսաստանը ձեռնարկել է Ուկրաինայում և այլուր, նաև իրենց երկրում կիրականացվի»,- նշել է ամերիկացի փորձագետը։

Այնուամենայնիվ, նրա կարծիքով, Փաշինյանի դիրքն ուժեղ է. ԱՄՆ նախագահ Դոնալդ Թրամփը համարձակ քայլի դիմեց՝ հրապարակավ աջակցելով Հայաստանի վարչապետին, ինչը չարեց Ուկրաինայի պարագայում, որն այդ պահին արդեն ավելի քան չորս տարի դիմակայում էր ռուսական լայնածավալ ներխուժմանը։

Դայան Ֆրենսիսը նաև կարծում է, որ Եվրամիությունը կարող է օգնել Հայաստանին, եթե սկսի «իրեն որպես գերտերություն պահել, որը ԵՄ-ն կարող էր լինել»։

«Նրանք պետք է ակտիվորեն աշխատեն Հայաստանի հետ և օգնեն նրան։ Խոսքը ոչ թե զորքեր ուղարկելու, այլ փոխադարձ առևտրային կապեր հաստատելու և այլն միջոցների մասին է»,- ասում է Ֆրենսիսը։

Հարցազրույցն ամբողջությամբ՝ տեսանյութում։

Հարցազրույցը պատրաստվել է Factor TV-ի գործընկեր Independent Avenue Media-ի կողմից