16.08.2026 | 15:48
Համաշխարհային օվկիանոսի ջերմաստիճանը հասել է 2026 թվականի սկբից առավելագույն արժեքին․ Լևոն Ազիզյան
Մեքենայից հայելու ապակիներ գողացած 28-ամյա երիտասարդը կալանավորվել է
Հասարակություն
12.06.2026 | 13:08
Դավթաշենի համայնքային ոստիկանները բացահայտել են ավտոմեքենայից հայելու ապակիներ գողանալու և դրանք վերադարձնելու դիմաց գումար պահանջելու հերթական դեպքը։ Այս մասին հայտնում են ՆԳՆ ոստիկանությունից։
Իրավապահների տվյալներով՝ հանցագործությունը կատարել է մայրաքաղաքի Վերֆելի փողոցի բնակիչ 28-ամյա մի երիտասարդ, որը ձերբակալվել և կալանավորվել է։
«Մայիսի 29-ին Դավթաշենի 4-րդ թաղամասի բնակիչը ոստիկանություն էր հայտնել, որ գիշերը շենքի բակում կայանված իր «Մերսեդես» մակնիշի ավտոմեքենայից գողացել են կողային հայելիների ապակիները և թողել Telegram-ի հղում։
Դեպքի առթիվ նախաձեռնվել է քրեական վարույթ՝ գողության և շորթման հատկանիշներով։ Օպերատիվ-հետախուզական միջոցառումների արդյունքում իրավապահները պարզել են ենթադրյալ կատարողի ինքնությունը։ Հունիսի 5-ին նրա նկատմամբ հարուցվել է հանրային քրեական հետապնդում, և նույն օրը նա ձերբակալվել է։
Դատարանի որոշմամբ 28-ամյա երիտասարդի նկատմամբ որպես խափանման միջոց կիրառվել է կալանավորումը։ Նախաքննությունը շարունակվում է»,- գրված է հաղորդագրության մեջ։
