23.10.2026 | 09:45
ՀՀ տարածքում ավտոճանապարհներն անցանելի են
Խուզարկություն ԲՀԿ ցուցակում ընդգրկված Արեգնազ Մանուկյանի բնակարանում. նա հրավիրվել է ՔԿ
Հասարակություն
12.06.2026 | 10:06
Այսօր վաղ առավոտից ՀՀ քննչական կոմիտեի ներկայացուցիչները խուզարկություն են իրականացրել «Բարգավաճ Հայաստան» կուսակցության ցուցակում ընդգրկված Արեգնազ Մանուկյանի բնակարանում։
«Ընտրագողություն կատարելուց հետո, իշխանությունը բան ու գործը թողած եկել ա իմ բնակարանը խուզարկելու»,- քննիչների մուտքն ուղիղ եթերում մեկնաբանում էր պատգամավորի թեկնածուն։
Նա քննիչներից պարբերաբար պահանջում էր իրեն ներկայացնել խուզարկություն իրականացնելու մասին որոշումը, ինչին ի պատասխան հորդորում էին անջատել հեռախոսը․ «Մենք ունենք դատարանի որոշում ձեր բնակարանում խուզարկություն կատարելու համար, Դուք հիմա խոչընդոտում եք մեր գործողությանը, անջատեք Ձեր հեռախոսը»։
Ի վերջո, քննչական խմբի ներկայացուցիչը վրդովված հրահանգում է Մանուկյանի ձեռքից վերցնել հեռախոսը, քաղաքական գործիչն արգելում է և անջատում հեռախոսը։
Factor TV-ի տեղեկություններով՝ խուզարկությունն արդեն ավարտվել է, Արեգնազ Մանուկյանը հրավիրվել է Քննչական կոմիտե, այս պահին որևէ կարգավիճակ չունի։
Քննչական կոմիտեից FactorTV-ին հայտնեցին, որ քրեական վարույթի շրջանակում կատարվել են քննչական գործողություններ։ Խոսքը պետական դավաճանության և լրտեսության հոդվածներով քրեական վարույթի մասին է, որն առնչվում է ԲԿՀ ցուցակի երկրորդ համար Անդրանիկ Թևանյանին։
Ռոզա Վարդանյան
