15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ընտրություններին արհեստական խոչընդոտներ ստեղծեցին` «Գինու օրեր» կազմակերպելով. Մելոյան․ ՏԵՍԱՆՅՈՒԹ
Քաղաքականություն
10.06.2026 | 15:43
«Ուժեղ Հայաստան» կուսակցությունների դաշինքի պատգամավորի թեկնածու Գոհար Մելոյանը հրավիրված ասուլիսում անդրադարձավ նախընտրական շրջանում արձանագրված խնդիրներին:
Նրա խոսքով` տարբեր ընտրատեղամասերում քաղաքացիները նախապես ստուգել են իրենց տվյալները ընտրողների ցուցակներում, սակայն ընտրության օրը հայտնաբերել են, որ իրենց անուններն այլևս ընդգրկված չեն ցուցակներում։
Մելոյանն ասաց նաև, որ մի շարք դեպքերում ընտրատեղամասերի վայրերը փոխվել են առանց բավարար հիմնավորման և պատշաճ ծանուցման․ «Մարդիկ սովորույթի ուժով գնում են իրենց նախկին ընտրատեղամաս, սակայն հայտնաբերում են, որ այն տեղափոխվել է այլ վայր»:
Գոհար Մելոյանը, հղում անելով քաղաքացիների ահազանգերին, նշեց, որ դրանք խոչընդոտել են ընտրողների հասանելիությունը ընտրատեղամասերին։
Նա բարձրացրեց նաև գինու փառատոնի անցկացման հարցը ընտրությունների օրերին։ Նրա խոսքով` միջոցառման կազմակերպումը և փողոցների փակումը, մասնավորապես՝ կենտրոնական հատվածներում, ստեղծել են խցանումներ և դժվարություններ ընտրատեղամասերին հասնելու համար։
Մանրամասները` տեսանյութում:
