02.07.2026 | 22:37
Վթարային ջրանջատում` Արարատի մարզում
Միկա Բադալյանին կալանավորելու միջնորդությունը բավարարվել է
Հասարակություն
09.06.2026 | 22:52
Հակակոռուպցիոն կոմիտեից Factor.am-ին տեղեկացնում են, որ Միկա Բադալյանի նկատմամբ հարուցվել է հանրային քրեական հետապնդում։
Կոմիտեն միջնորդություն է ներկայացրել դատարան նրա նկատմամբ որպես խափանման միջոց կալանք կիրառելու համար, որը բավարարվել է։
Հակակոռուպցիոն կոմիտեն հայտնել էր, որ փաստական տվյալներ են ստացվել ռուսաստանաբնակ բլոգեր Միկա Բադալյանի կողմից ԱԺ ընտրությանը մասնակցելու պայմանով ՌԴ-ում բնակվող Հայաստանի հարյուրավոր քաղաքացիների ծառայություն և այլ առավելություն խոստանալու ձևով ընտրակաշառք տալու դեպքերի մասին։ Դեպքի առթիվ նախաձեռնվել է քրեական վարույթ, միջոցներ են ձեռնարկվում ենթադրյալ ընտրակաշառք ստացած քաղաքացիների ինքնությունները պարզելու ուղղությամբ։
ՀՀ հակակոռուպցիոն կոմիտեի ծառայողների կողմից ձեռնարկված միջոցառումների արդյունքում բավարար փաստական տվյալներ են ստացվել ռուսաստանաբնակ բլոգեր Մ․ Բ․–ի (Միկա Բադալյան-խմբ․) կողմից ՀՀ Ազգային ժողովի հերթական ընտրությանը մասնակցելու պայմանով Ռուսաստանի Դաշնությունում բնակվող Հայաստանի Հանրապետության հարյուրավոր քաղաքացիների ծառայություն և այլ առավելություն խոստանալու տեսքով ընտրակաշառք տալու դեպքերի մասին, որոնց առթիվ ՀՀ հակակոռուպցիոն կոմիտեում նախաձեռնվել է քրեական վարույթ։
Հիշեցնենք, որ Factor.TV-ն օրեր առաջ փորձել էր պարզել, թե ովքեր են կանգնած Միկա Բադալյանի նախաձեռնության հետևում։
