07.09.2026 | 17:42
Բաքուն Սոթքի հանքավայրի ադրբեջանական հատվածում իրականացրել է առաջին հորատապայթեցման աշխատանքները
Պատրաստվում ենք դիմել ՍԴ՝ վիճարկելու ընտրության արդյունքները․ Իշխան Սաղաթելյան․ ՏԵՍԱՆՅՈՒԹ
Քաղաքականություն
09.06.2026 | 14:20
«Հայաստան» դաշինքի նախընտրական ցուցակի երկրորդ համար Իշխան Սաղաթելյանը հրավիրված մամուլի ասուլիսում հայտարարեց, որ ընդդիմությունը պատրաստվում են դիմել Սահմանադրական դատարան՝ վիճարկելու ընտրությունների արդյունքները։
«Ակնհայտ է, որ ընտրությունները տեղի են ունեցել ճնշումների, ոչ ազատ, ոչ արդար պայմաններում։ Դրա համար կան բազմաթիվ փաստեր, փաթեթը պատրաստվում է, և Կենտրոնական ընտրական հանձնաժողովի արդյունքները վերջնական հայտարարելուց, էս վերջնահաշվարկը ավարտելուց հետո նաև գնալու ենք էդ ճանապարհով։ Ակնհայտ հասկանալով՝ ովքեր են նստած Սահմանադրական դատարանում, ակնհայտ հասկանալով նաև նրանց կաշկանդվածությունը և, ըստ էության, իշխանության կցորդ լինելու հանգամանքը, ծանրակշիռ փաստերով մենք մտնելու ենք Սահմանադրական դատարան՝ արդյունքները հրապարակելուց, էս վերջնահաշվարկը ավարտելուց հետո։ Ինչ հիմնավորումներով, ինչ իրավական հիմքերով, ինչ ծավալով՝ բավականին մեծ փաթեթ պատրաստվում է, դրա մասին համապատասխան մեր իրավական խումբը հանդես կգա»,- նշեց Սաղաթելյանը։
Անդրադառնալով խորհրդարանական մանդատները վերցնելու կամ չվերցնելու վերաբերյալ քննարկումներին՝ Սաղաթելյանն ասաց, որ վերջնական որոշում դեռ չկա։ Նրա խոսքով՝ այդ հարցը կքննարկվի ընդդիմադիր քաղաքական ուժերի հետ, քանի որ կարևոր է միասնական դիրքորոշման ձևավորումը։
Մանրամասները՝ տեսանյութում։
