09.06.2026 | 00:17
Մարկո Ռուբիոն շնորհավորել է Փաշինյանին
ԳԴՀ-ում ՀՀ դեսպանությունը մինչև հուլիսի 31-ը անձնագրավորման համար արտահերթ գրանցման հնարավորություն է սահմանել
Հասարակություն
08.06.2026 | 22:10
Մեծ պահանջարկով պայմանավորված՝ Գերմանիայի Դաշնային Հանրապետությունում Հայաստանի Հանրապետության դեսպանության հյուպատոսական բաժինը մինչև 2026 թվականի հուլիսի 31-ը կտրամադրի անձնագրավորման համար արտահերթ գրանցման հնարավորություն։ Դիմելու համար քաղաքացիները պետք է էլեկտրոնային նամակ ուղարկեն համապատասխան հասցեին՝ կցելով անհրաժեշտ փաստաթղթերը և ներկայացնելով դիմումի հրատապության պատճառը։
«Հարցումն անհրաժեշտ է ուղարկել [email protected] ժամանակավոր էլ․ հասցեին,
– Նամակում հակիրճ ներկայացրեք հրատապության պատճառը,
– Նամակին անհրաժեշտ է կցել դիմող քաղաքացու (ում համար որ ներկայացվելու է անձնագրավորման դիմումը) անձը հաստատող որևէ փաստաթուղթ կամ ծննդյան վկայական,
– Նամակում նշեք հեռախոսահամար հետադարձ կապի համար։
Մենք կապ կհաստատենք Ձեզ հետ և կառաջարկենք հանդիպման օր և ժամ»,- ասվում է հաղորդագրությունում։
