20.10.2026 | 15:04
Ավտոբուսում կնոջը վիրավորելու դեպքով քրեական վարույթ է նախաձեռնվել՝ երկու հոդվածով
Ամուլսարի խնդիրը չեղած դատական համակարգի, չգործող իրավական համակարգի խնդիր է. Էդմոն Մարուքյան. ՏԵՍԱՆՅՈՒԹ
Քաղաքականություն
27.11.2018 | 15:50
«Լուսավոր Հայաստան» կուսակցությունն Էդմոն Մարուքյանի գլխավորությամբ քարոզարշավի երկրորդ օրը սկսեց մարզային այցերով: Սիսիանում քաղաքացիների հետ հանդիպման ժամանակ քաղաքացիներից մեկը դիմեց Մարուքյանին՝ խնդրելով փրկել երկիրը։
«Թող ձեր նմանները գան, երկիրը դզեն, հերի՛ք ա, էդ թալանչիներին հանեք: Նորից են դրել, ես վախենում եմ, որ դրանք էլի մի օյին հանեն։ Էն քաչալը որ եկել ա, ես վախենում եմ՝ դրանք նորից ընտրվեն»,- ասաց բնակիչներից մեկը, ինչին ի պատասխան՝ Մարուքյանն ասաց. «Չեն ընտրվելու»:
Հաջորդ կանգառը Ջերմուկ քաղաքն էր. այստեղ «Լուսավոր Հայաստան» կուսակցության ղեկավարը հայտարարեց, որ իր ղեկավարած կուսակցությունը հանդես է գալիս իրավունքի գերակայության վրա խարսխված դատական իշխանության ձևավորման ծրագրով, և խորհուրդ տվեց քվեարկել իրենց օգտին և լինել պաշտպանված։
Էդմոն Մարուքյանն անդրադարձավ նաև Ամուլսարի խնդրին՝ նշելով, որ Ամուլսարի խնդիրը չեղած դատական համակարգի, չգործող իրավական համակարգի խնդիր է:
«Համայնքների բնակիչների կարծիքը հաշվի չի առնվել։ Ինչո՞ւ մենք ունենք Ամուլսարի իրավիճակը: Կա ներդրող, որն ասում է՝ պետությո՛ւն, իմ ներդրումը պաշտպանիր, բայց կա անգին արժեք՝ բնությունը: Ինչո՞ւ ենք մենք հասել այս փակուղուն, որովհետև մարդկանց բողոքները տեղ չեն հասել»,- ասաց Մարուքյանը՝ շեշտելով, որ իրենց քաղաքական թիմում կան հմուտ իրավաբաններ, ինքը 10 տարի զբաղվել է իրավապաշտպան գործունեությամբ և գիտի, թե ինչպիսի դատական համակարգ է պետք:
Էդմոն Մարուքյանը Ջերմուկի բնակիչներին կոչ արեց քվեարկությամբ խորհրդարանում ստեղծել «Լուսավոր Հայաստան» խմբակցություն, որն իր պրոֆեսիոնալ թիմով խնդիրներին իրապես լուծում կտա:
«ՀՀ բոլոր խնդիրների լուծման բանալին քաղաքական համակարգի առողջացումն է»,- հավելեց Մարուքյանը:
Մանրամասները՝ տեսանյութում
