22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Քվեարկությունն ու հաշվարկն իրականացվել են արժանահավատ կերպով․ IRI դիտորդական առաքելության ղեկավար. ՏԵՍԱՆՅՈՒԹ
Հասարակություն
08.06.2026 | 14:55
Միջազգային հանրապետական ինստիտուտի (IRI) դիտորդական առաքելությունը ներկայացրել է Հայաստանում տեղի ունեցած խորհրդարանական ընտրությունների վերաբերյալ իր նախնական գնահատականներն ու առաջարկությունները։
Առաքելության ղեկավար, «Ժողովրդավարության աջակցության ազգային հիմնադրամի» (NED) նախագահ Փիթեր Ռոսկամը Երևանում կայացած մամուլի ասուլիսի ժամանակ շնորհավորել է Հայաստանի քաղաքացիներին՝ բարձր գնահատելով նրանց ընտրությունների մասնակցությունը։
Ըստ Ռոսկամի, այն, որ ընտրություններին մասնակցել է շուրջ մեկուկես միլիոն քաղաքացի, ի ցույց է դնում հանրության կուռ հանձնառությունը ժողովրդավարական մասնակցությանը և սեփական երկրի ապագան ձևավորելու հստակ կամքը։
«Մեր ուղիղ դիտարկումների հիման վրա՝ մեր առաքելությունը չի արձանագրել համակարգային խախտումներ։ Մեր գնահատմամբ՝ քվեարկությունը և հաշվարկը, ընդհանուր առմամբ, իրականացվել են արժանահավատ կերպով»,- հայտարարել է Ռոսկամը՝ հավելելով, որ ողջ գործընթացն անցել է կարգապահ ու խաղաղ մթնոլորտում՝ համապատասխան սահմանված ընթացակարգերին։
Նա նաև կարևորել է կուսակցությունների ներկայացուցիչների, տեղական և միջազգային դիտորդների ներկայությունը տեղամասերում։
