16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
Ժամը 17:00-ի դրությամբ՝ քվեարկության ակտիվությունն ընկել է․ ինչ ցուցանիշ կա՝ ըստ մարզերի. ՏԵՍԱՆՅՈՒԹ
Քաղաքականություն
07.06.2026 | 19:10
Կենտրոնական ընտրական հանձնաժողովի (ԿԸՀ) թարմ տվյալներով՝ ժամը 17:00-ի դրությամբ՝ ԱԺ ընտրությունների քվեարկությանը մասնակցել է ընտրելու իրավունք ունեցողների 48,92 տոկոսը։ Ի տարբերություն մյուս ժամերի՝ այս դեպքում քվեարկության ակտիվությունը նվազել է 2017 թվականի համեմատությամբ։
2018 և 2021 թվականների ցուցանիշները զգալի ցածր են եղել այսօրվա քվեարկության արդյունքների համեմատությամբ։
Այսօրվա քվեարկության առաջին 9 ժամերին ընտրողների ակտիվությունն արդեն իսկ գերազանցում է ԱԺ նախորդ երկու ընտրությունների ամբողջ օրվա ցուցանիշներին։
Եթե օրը դիտարկում ենք առանձին, երեքժամանոց կտորներով, ապա երրորդ քառորդում՝ ժամը 14:00-17:00-ի հատվածում, այսօրվա քվեարկությունը զգալիորեն պասիվացել է և մոտեցել է ժամը 8:00-11:00-ի ժամանակահատվածի քվեարկության ցուցանիշին։
2017 թվականին այս քառորդի ակտիվությունը զգալիորեն ավելի բարձր է եղել՝ 17,47 տոկոս՝ ի տարբերություն այսօրվա 15,08 տոկոս ցուցանիշի։
Մարզերի կտրվածքով ամենաբարձր ակտիվությունը Սյունիքում է՝ 55,36 տոկոս։ Ակտիվությամբ երկրորդ տեղում հայտնվել է Վայոց ձորը, իսկ Տավուշը զիջել է ու հայտնվել երրորդ տեղում։
Ամենապասիվ մարզն Արմավիրն է, որտեղ 44,8 տոկոս է եղել քվեարկությանը մասնակցության ակտիվությունը։
Երևանում քվեարկության ակտիվությունը եղել է 48,52 տոկոս։
Գարիկ Հարությունյան
