07.06.2026 | 21:06
Քվեարկությունն ավարտված է․ քանի քաղաքացի է մասնակցել քվեարկությանը․ ՈՒՂԻՂ
Ըստ Գոհար Մելոյանի՝ Լիճքի գյուղապետը և հարազատները հարձակվել են «Ուժեղ Հայաստան»-ի վստահված անձի վրա
Հասարակություն
07.06.2026 | 17:54
«Ուժեղ Հայաստան» դաշինքի պատգամավորի թեկնածու Գոհար Մելոյանի խոսքով՝ Լիճք բնակավայրի ընտրատեղամասում միջադեպ է տեղի ունեցել։
Մելոյանի պնդմամբ՝ ՔՊ-ն տեղամասում ունեցել է երեք վստահված անձ, որոնցից մեկը եղել է Լիճքի գյուղապետը։ Նրա խոսքով՝ գյուղապետը և նրա հարազատները հարձակվել են «Ուժեղ Հայաստան» դաշինքի վստահված անձի վրա այն բանից հետո, երբ վերջինս հորդորել է պահպանել ընտրական գործընթացի կանոնները։
Մելոյանի գնահատմամբ՝ տեղի ունեցածը վարչական ռեսուրսի կիրառման և ընտրական գործընթացին խոչընդոտելու դրսևորում է եղել։
Նրա փոխանցմամբ՝ «Ուժեղ Հայաստան»-ի վստահված անձը հարվածներ է ստացել, սակայն այս պահին նրա առողջական վիճակը լավ է։
Անի Թամրազյան
