13.06.2026 | 13:33
Սպասվում է քամու ուժգնացում․ օդի ջերմաստիճանը կնվազի մոտ 4-5 աստիճանով. Գագիկ Սուրենյան
Բարձր ակտիվությունը պահպանվում է․ վերջին տվյալները՝ ԿԸՀ-ից. ՏԵՍԱՆՅՈՒԹ
Քաղաքականություն
07.06.2026 | 17:12
ԿԸՀ տվյալներով՝ ժամը 14։00 դրությամբ ԱԺ ընտրությունների քվեարկությունը եղել է 33,84 տոկոս, որը կրկին ամենաբարձր ցուցանիշն է վերջին 10 տարվա ԱԺ ընտրությունների ընթացքում։ Դրան բավական մոտ ցուցանիշ գրանցվել է 2017 թվականին։
Իսկ երկու նախորդ ԱԺ ընտրություններին գրանցվել են 24,5 տոկոս (2018թ․) և 26,8 տոկոս (2021թ․) ցուցանիշներ։
Նախորդ տարիների՝ ամբողջ օրվա քվեարկության մասնակցության ցուցանիշների դեպքում նույնպես 2018 և 2021 թվականների ցուցանիշները ցածր են եղել, համապատասխանաբար 48,6 տոկոս և 49,4 տոկոս։ Իսկ 2017 թվականին ցուցանիշը եղել է 60,9 տոկոս։
Մարզերի դեպքում, ինչպես և նախորդ ամփոփման ժամանակ, ամենաակտիվը քվեարկել են Տավուշում և Սյունիքում, համապատասխանաբար ընտրողների 38,87 տոկոսը և 39,02 տոկոսը։
Պասիվությամբ աչքի է ընկնում Արմավիրի մարզը, որտեղ ընտրողներից 30,39 տոկոսն է մասնակցել քվեարկությանը։
Երևանում ակտիվության ցուցանիշը կազմել է 33,38 տոկոս։
https://flo.uri.sh/visualisation/29281119/embed
Գարիկ Հարությունյան
