Հասարակություն
07.06.2026 | 16:05
Հակակոռուպցիոն կոմիտեում քննվող վարույթի շրջանակներում Գյումրիում ձերբակալվել է հանրային գործիչ Կարապետ Պողոսյանը։ Վերջինս անցնում է ընտրակաշառքի գործով։
Հակակոռուպցիոն կոմիտեն այսօր հաղորդագրություն է տարածել՝ հայտնելով, որ նախաձեռնվել է քրեական վարույթ՝ համաձայն որի՝ «Ուժեղ Հայաստան» կուսակցությունների դաշինքի տեղամասային հանձնաժողովի նախագահը, օգտվելով տեղամասային ընտրական հանձնաժողովի անդամներ առաջադրելու՝ օրենքով նախատեսված հնարավորությունից, հանձնաժողովի անդամներ ընտրելիս նախապատվությունը տվել է այն անձանց, որոնք համաձայնել են հանձնաժողովում ընդգրկվելու և դրա դիմաց վարձատրություն ստանալու պայմանով ապահովել ինչպես իրենց, այնպես էլ իրենց կողմից ներգրավված կոնկրետ թվով անձանց քվեարկությունը՝ հանձնաժողովի անդամությունը և դրա դիմաց նախատեսված վարձատրությունը փաստացի օգտագործելով որպես քվեներ ձեռք բերելու միջոց։
Հակակոռուպցիոն կոմիտե նաև ձայնագրություն է հրապարակել, որում առկա է Կ․Պ-ի վերաբերյալ ձայնագրություն։ Factor TV-ի տեղեկություններով՝ Հակակոռուպցիոն կոմիտեի վարույթի շրջանակներում Կ․Պ-ի խոսակցությունը վերագրվում է Կարապետ Պողոսյանին:
Արաքս Մամուլյան
