22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Կրկնակի քվեարկության փորձ կատարած անձը ձերբակալվել է. ՔԿ
Հասարակություն
07.06.2026 | 14:26
ՀՀ քննչական կոմիտեն հայտնում է, որ 2026 թվականի հունիսի 7-ին՝ ժամը 08:19-ին, թիվ 20/56 ընտրատեղամասում արձանագրվել է կրկնակի քվեարկության փորձ։
Ըստ ՀՀ քննչական կոմիտեի հաղորդման՝ «Ուժեղ Հայաստան» կուսակցության վստահված անձ Ա.Ս.-ն քվեարկության ժամանակ փորձել է կրկին մասնակցել գործընթացին, ինչի արդյունքում էլեկտրոնային գրանցման սարքը տպել է «կրկնակի քվեարկության փորձ» նշումով կտրոն։
Դրանից հետո ընտրատեղամասի հանձնաժողովը կտրոնը փոխանցել է ԿԸՀ-ին ներկայացնելու համար, իսկ Ա.Ս.-ն դուրս է հրավիրվել տեղամասից և ներկայացվել ոստիկանության ծառայողներին։
ՆԳՆ ոստիկանության ծառայողների կողմից Ա.Ս.-ն ձերբակալվել է՝ հանցանք կատարած լինելու անմիջականորեն ծագած հիմնավոր կասկածի հիմքով։
Դեպքի առթիվ ՀՀ քննչական կոմիտեի Գեղարքունիքի մարզային քննչական վարչությունում նախաձեռնվել է քրեական վարույթ՝ Քրեական օրենսգրքի 44-214-րդ հոդվածի 1-ին մասով (մեկից ավելի անգամ քվեարկելու փորձ)։
Նախաքննությունը շարունակվում է։
