07.06.2026 | 11:57
Այս ընտրությունները պատմական նշանակություն ունեն. որոշում ենք այսօր մեր ապագան. Թաթոյանը քվեարկեց․ ՏԵՍԱՆՅՈՒԹ
Ինչպես պետք է քվեարկել. ներկայացնում է 9/23 ընտրատեղամասի հանձնաժողովի նախագահը․ ՏԵՍԱՆՅՈՒԹ
Հասարակություն
07.06.2026 | 10:51
Քվեախցիկների արկղերում կուտակված քվեաթերթիկները դուրս հանելու իրավունք ունի միայն հանձնաժողովի նախագահը՝ բոլորի ներկայությամբ․ Factor TV-ի հետ զրույցում 9/23 ընտրատեղամասի հանձնաժողովի նախագահը ներկայացրել է՝ ինչ է տեղի ունենում այն 17 քվեաթերթիկների հետ, որոնք ընտրողը թողնում է քվեախցիկում։
«Մինչև ընտրության մեկնարկը մենք քվեախցում յուրաքանչյուր համարից 3-5 քվեաթերթիկ ենք գցել, որ հետագայում խնդիր չառաջանա։ Եթե հասկանում ենք, որ գրպանիկում կուտակված քվեաթերթիկները շատ են, հանձնաժողովի նախագահը բոլորի ներկայությամբ քվեախցիկից հանում է դրանք»։
Հիշեցնենք, որ քվեաթերթիկն անվավեր է ճանաչվում, եթե դրա վրա կա որևէ գրառում, եթե չկա դրոշմանիշ կամ եթե ծրարում առկա է մեկից ավելի քվեաթերթիկ։ Ըստ կարգի՝ ընտրողը պետք է իր ընտրած համարը ծրարում դնի՝ առանց ծալելու։ Սակայն այս պայմանը չպահելու դեպքում խնդիրը լուծելի է։
«Ցանկալի է, որ ծալված չլինի, բայց երբեմն քաղաքացիները չեն ֆիքսում, որ ուղիղ պիտի դնեն ծրարի մեջ։ Երբ մոտենում են դրոշմանիշը փակցնող մասնագետին, հասկացվում է, որ սպիտակ մասը դուրս չի եկել։ Այս դեպքում նորից վերադառնում են քվեախուց և ուղղում են։ Ծալված լինելը խնդիր չէ, կարևորն ավելորդ նշում չլինի, պատռված չլինի, մեկից ավելի քվեաթերթիկ չլինի»,- նշեց հանձնաժողովի նախագահը։
Մանրամասները՝ տեսանյութում։
