02.07.2026 | 22:37
Վթարային ջրանջատում` Արարատի մարզում
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Հասարակություն
06.06.2026 | 11:21
ԿԸՀ-ն համաձայնություն է տվել «Ուժեղ Հայաստան»-ի պատգամավորի թեկնածուներին անձեռնմխելիությունից զրկելու հարցին: Այս մասին Factor TV-ի հարցին ի պատասխան հայտնեցին Դատախազությունից: Պատգամավորի 6 թեկնածուներն են Հայկ Ավագյանը, Սասուն Բադոյանը, Արթուր Աբրահամյանը, Վահե Թավաքալյանը, Վահե Եղիազարյանը և Աշոտ Սահակյանը: Քննչական կոմիտեն նրանց ձերբակալելու որոշում է կայացրել, նրանց նկատմամբ հայտարարվել էր հետախուզում: ՔԿ-ի տարածած հաղորդագրության համաձայն՝
«ՀՀ քննչական կոմիտեի հատկապես կարևոր գործերի քննության գլխավոր վարչության ընդհանուր բնույթի և ընտրական հանցագործությունների քննության վարչությունում բազմաթիվ անձանց նյութապես շահագրգռելու և առանձնապես խոշոր չափերով փողերի լվացման վերաբերյալ քրեական վարույթի նախաքննության ընթացքում «Ուժեղ Հայաստան»-ի պատգամավորի թեկնածուներից 6-ի նկատմամբ հարուցվել է հանրային քրեական հետապնդում՝ Քրեական օրենսգրքի 46-236-րդ հոդվածի 2-րդ մասով և 296-րդ հոդվածի 3-րդ մասի 3-րդ կետով:
Վերջիններիս վերաբերյալ կայացվել են ձերբակալման որոշումներ, որոնց կատարումը հանձնարարվել է ՆԳՆ ոստիկանությանը:
Քրեական վարույթի նախաքննությունը շարունակվում է»,- ասված է հաղորդագրությունում։
