06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Աննա Վարդապետյանը դիմել է ԿԸՀ-ին՝ «Ուժեղ Հայաստան»-ի պատգամավորի 6 թեկնածուի նկատմամբ քրեական հետապնդում հարուցելու համաձայնություն ստանալու միջնորդությամբ
Հասարակություն
05.06.2026 | 23:07
Գլխավոր դատախազը դիմում է ներկայացրել Կենտրոնական ընտրական հանձնաժողով «Ուժեղ Հայաստան» կուսակցության պատգամավորի 6 թեկնածուների նկատմամբ քրեական հետապնդում հարուցելու և ազատությունից զրկելու համաձայնություն ստանալու մասին։ Նրանք են Վահե Թավաքալյանը, Հայկ Ավագյանը, Վահե Եղիազարյանը, Արթուր Աբրահամյանը, Աշոտ Սահակյանը և Սուսան Բադոյանը։
Այս մասին FactorTV-ի հարցմանն ի պատասխան հայտնեցին Գլխավոր դատախազությունից։
Հիշեցնենք՝ օրեր առաջ նույնաբովանդակ դիմումներ գերատեսչությունը ներկայացրել էր «Բարգավաճ Հայաստան» կուսակցության պատգամավորի երեք թեկնածուների մասով։ Գլխավոր դատախազությունը հունիսի 2-ին և 3-ին գրություններ էր ուղարկել ԿԸՀ, խնդրելով ընտրական ցուցակում տեղ գտած Գարուշ Մարզեցյանի, Էդգար Բոջուկյանի և Նաիրա Հարությունյանի նկատմամբ քրեական հետապնդում սկսելու ու նրանց ազատությունից զրկելու վերաբերյալ համաձայնություն տալ։ Հանձնաժողովը երեք միջնորդություններն էլ բավարարել էր։
Ռոզա Վարդանյան
