05.06.2026 | 20:16
Կանանց Հայաստանի հավաքականը ոչ-ոքի խաղաց Ղազախստանի հետ․ ՏԵՍԱՆՅՈՒԹ
Չի բացառվում, որ երեկվա բանավեճի մասնակիցներից որևէ ուժի հանեն ընտրապայքարից․ Մարուքյան
05.06.2026 | 13:42
«Չի բացառվում, որ երեկվա բանավեճի մասնակիցներից որևէ քաղաքական ուժի հանեն ընտրապայքարից»,- այս մասին այսօր ԱԺ-ի մոտ քարոզարշավի ժամանակ ասաց ԼՀԿ վարչապետի թեկնածու Էդմոն Մարուքյանը։
Հանրային հեռուստաընկերության եթերում երեկ հեռարձակված նախընտրական ամփոփիչ բանավեճի ընթացքում քննարկվեց որոշ կուսակցությունների ընտրություններին մասնակցության հարցը։ Վարչապետ Նիկոլ Փաշինյանը մյուս քաղաքական ուժերին առաջարկեց զբաղվել այդ հարցով՝ նշելով, որ իր միջամտության դեպքում կարող են հնչել քաղաքական հետապնդումների մասին մեղադրանքներ։ Արամ Սարգսյանը, արձագանքելով դրան՝ հայտարարեց, որ դիմել է Կենտրոնական ընտրական հանձնաժողովի նախագահին, սակայն պատասխան է ստացել, որ ԿԸՀ-ն չունի այնպիսի լիազորություններ։
«Առավոտից սկսվել են լայնամաշտաբ ձերբակալություններ և երեկ Փաշինյանը ասում էր մի քանի ուժերի, որ բազմիցս քննարկել ենք՝ ինչպես պետք է ինչ-որ ուժերի հանել ընտրապայքարից։ Բայց ասում է՝ ես ձեզ ասել եմ, որ ես չեմ անելու, դուք գնացեք դիմեք ԿԸՀ։ Ասում է, որ ես անեմ, ասելու են դու վախեցար, նրանք էլ էնտեղ արդարանում են, թե ո՞նց դիմենք»,- ասաց Էդմոն Մարուքյանը։
Կենտրոնական ընտրական հանձնաժողովից Factor.am-ին տեղեկացրին, որ մինչ այս պահը ընդդիմադիր ուժերին ընտրություններին մասնակցելու հնարավորությունից զրկելու վերաբերյալ գրավոր դիմում հանձնաժողովը չի ստացել։
Մանրամասները՝ տեսանյութում։
Անի Թամրազյան
