24.10.2026 | 17:54
«Անկախ դիտորդ»-ը հայտարարություն է տարածել ընտրություններին նախորդող օրերին թեկնածուների ձերբակալությունների վերաբերյալ
ԵՏՄ-ն չի ձգտում Հայաստանի դեմ միջոցներ ձեռնարկել, սակայն ԵՄ-ին անդամակցելու ձգտումն անհանգստացնող է. Օվերչուկ
Քաղաքականություն
05.06.2026 | 11:53
Եվրասիական տնտեսական միությունը (ԵՏՄ) չի ձգտում միջոցներ ձեռնարկել Հայաստանի դեմ, սակայն նրա ձգտումները՝ միանալ ռազմաքաղաքական միության վերածված Եվրամիությանը, մտահոգության տեղիք են տալիս։ Այս մասին հայտարարել է Ռուսաստանի փոխվարչապետ Ալեքսեյ Օվերչուկը ՏԱՍՍ-ին տված հարցազրույցում։
«Ոչ ոք չի ցանկանում ԵՏՄ-ի կողմից որևէ կոնկրետ միջոցառում ձեռնարկել Հայաստանի դեմ։ Հայաստանը ԵՏՄ անդամ պետություն է, բարեխղճորեն կատարում է ԵՏՄ-ի շրջանակում իր բոլոր պարտավորությունները։ Ես կարող եմ սա ասել պատասխանատու կերպով, քանի որ մենք հետևում ենք Հայաստանի ողջ իրավական շրջանակին ԵՏՄ-ի շրջանակում ստանձնած պարտավորություններից ցանկացած շեղման հետ կապված։ Եվ մենք նման շեղումներ չենք հայտնաբերում»,- հայտարարել է նա։
Միաժամանակ, Օվերչուկը նշել է, որ Հայաստանը հայտարարել է եվրոպական չափանիշների անցնելու ցանկության մասին։
«Ոչ բոլոր եվրոպական չափանիշներն են վատ։ Այնտեղ շատ լավ բաներ կային և կան։ Ի՞նչն է մեզ մտահոգում։ Եվրոպական միությունն այսօր փաստացիորեն վերափոխվել է այն տնտեսական ինտեգրման միավորումից, որը մենք բոլորս լավ գիտեինք, որտեղ շատ լավ և գրավիչ բաներ են իրականացվել։ Այն վերափոխվել է ռազմաքաղաքական միության, որն այժմ թշնամաբար է տրամադրված մեր երկրի նկատմամբ։ Եվ այստեղ մեզ մոտ հարցեր են առաջանում։ Ո՞ւր է գնում Հայաստանը։ Որո՞նք են դրա հետևանքները։ Ինչո՞ւ պետք է մենք աջակցենք այս շարժմանը»,- հայտարարել է Ռուսաստանի փոխվարչապետը։
Թարգմանությունը`Էմմա Չոբանյանի
