16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
«300,000 ադրբեջանցիների վերադարձի» թեզը Բաքվից ու Մոսկվայից է ձևավորվում. Հովսեփ Խուրշուդյան․ ՏԵՍԱՆՅՈՒԹ
Քաղաքականություն
05.06.2026 | 16:00
«Եթե Ռուսաստանը հայկական ապրանքների դեմ սահմանափակումներ է կիրառում և տնտեսական ճնշում է գործադրում Հայաստանի նկատմամբ, հարց է առաջանում. ինչո՞ւ պետք է Հայաստանն ընդհանրապես մնա ԵԱՏՄ-ում»,- այս մասին Factor TV-ին տված հարցազրույցում հայտարարել է «Ազատ քաղաքացի» հասարակական կազմակերպության ղեկավար, վերլուծաբան Հովսեփ Խուրշուդյանը։
Խուրշուդյանի խոսքով՝ Ռուսաստանն ընտրությունների նախաշեմին Հայաստանի նկատմամբ կիրառում է ճնշման և սպառնալիքի մարտավարություն՝ փորձելով ազդել երկրի ներքաղաքական գործընթացների վրա։
Ըստ փորձագետի՝ «300,000 ադրբեջանցիների վերադարձի» գաղափարը ձևավորվում և առաջ է մղվում ինչպես Բաքվի, այնպես էլ Մոսկվայի մասնակցությամբ, սակայն նման սցենարներն անհնար է իրականացնել։
Խուրշուդյանը նաև կարծում է, որ Թուրքիայի և Ադրբեջանի միջև կան տարաձայնություններ հայ-թուրքական հարաբերությունների կարգավորման հարցում, և որ Բաքուն որոշ դեպքերում անազնիվ է վարվում նույնիսկ Անկարայի նկատմամբ։
Հարցազրույցում քննարկվել են նաև Ռուսաստանի կողմից սահմանված սահմանափակումների հնարավոր ազդեցությունը Հայաստանի տնտեսության վրա, ԵԱՏՄ-ի և ՀԱՊԿ-ի հետ Հայաստանի հարաբերությունների հեռանկարները, «Գույք պարտքի դիմաց» համաձայնագիրը և Արթուր Օսիպյանի գործը, որին Խուրշուդյանը անվանել է ժամանակակից Հայաստանի առաջին քաղբանտարկյալը։
Հարցազրույցն ամբողջությամբ՝ տեսանյութում։
Սամվել Մելիքսեթյան
