16.11.2024 | 15:19
Не виноватая я, он сам пришел. մահացել է «Ադամանդե ձեռքը» հայտնի ֆիլմի դերասանուհի Սվետլանա Սվետլիչնայան
Նիկոլ Փաշինյանը գիշերելու է Գյումրիում՝ Խաչատուր Սուքիասյանի հյուրանոցում
26.11.2018 | 20:24
ՀՀ վարչապետի պաշտոնակատար Նիկոլ Փաշինյանն այսօր գիշերելու է Գյումրիում: Այս մասին տեղեկացնում են Factor.am-ի Գյումրիի աղբյուրները:
Հիշեցնենք, որ «Իմ քայլը» դաշինքն այսօր նախընտրական քարոզարշավի մեկնարկը տվեց Արագածոտնի մարզի Թալին քաղաքից: Փաշինյանն իր թիմով եղավ Շիրակի մարզի Մարալիկ, Արթիկ և Գյումրի քաղաքներում, որտեղ էլ մեծ հանրահավաքով եզրափակեց իր հանդիպումը շիրակցիների հետ:
Մեր աղբյուրների փոխանցմամբ՝ Նիկոլ Փաշինյանը գիշերելու է «Պլազա Վիկտորիա» հյուրանոցում: Այս հյուրանոցը Գյումրու մակարդակով ամենաշքեղն է: Այն գտնվում է քաղաքի կենտրոնում՝ Վարդանանց հրապարակում: «Պլազա Վիկտորիա» հյուրանոցը պատկանում է գործարար Խաչատուր Սուքիասյանին:
Երեկոյան նախատեսվում է նաև զբոսանք Ռուսթավելի փողոցում: Նշենք, որ սա այն փողոցն է, որը հիմնանորոգվեց նախկին վարչապետ Կարեն Կարապետյանի՝ Գյումրին տուրիզմի կենտրոն դարձնելու ծրագրի շրջանակներում:
Այսպիսով. Նիկոլ Փաշինյանը մի քանի օր Երևան չի վերադառնա: Գյումրիից նա անմիջապես կգնա Լոռու, ապա Տավուշի մարզեր: Այս մարզերից հետո քարոզարշավը շարունակվելու է Արարատյան դաշտում:
Հայկ Վարդանյան
