28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Շինհրապարակում աշխատող 34-ամյա տղամարդը 4-րդ հարկից ընկել և մահացել է
Հասարակություն
03.06.2026 | 11:22
Երեկ ողբերգական դեպք է տեղի ունեցել Գյուրջյան փողոցում կառուցվող բազմաբնակարանային շենքում։ Ժամը 15:00-ի սահմաններում ահազանգ է ստացվել, որ շենքի շինհրապարակում դի կա։
«Դեպքի առթիվ նախաձեռնվել է քրեական վարույթ՝ Քրեական օրենսգրքի 355-րդ հոդվածի 2-րդ մասով (շինարարական, լեռնահանքային կամ այլ աշխատանքների կատարման ընթացքում աշխատանքի պաշտպանության կամ անվտանգության ապահովման կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետևանք)։ Կատարվում է նախաքննություն»,- Factor․am-ի հարցմանն ի պատասխան հայտնեց Քննչական կոմիտեի մամուլի քարտուղար Կիմա Ավդալյանը։
Ավելի վաղ Shamshyqn.com-ը հայտնել էր, որ մահացածը նշված շինհրապարակում աշխատող՝ Արարատի մարզի բնակիչ 34-ամյա Սարգիս Ս.-ն է, որը, ըստ նախնական տեղեկությունների, կառուցվող շենքի 4-րդ հարկից է վայր ընկել։
Ռոզա Վարդանյան
