07.08.2026 | 15:35
Էն, ինչ կարա իրան թույլ տա Մեսսին, չեմ կարա թույլ տամ ես․ Վահագն Ալեքսանյան. ՏԵՍԱՆՅՈՒԹ
Հին կադրեր, նոր սուտ․ 800 ֆրանսիացի զինվոր ՀՀ ուղարկելու լուրի հետքերով․ ԱՉՔԻ ՏԱԿ․ ՏԵՍԱՆՅՈՒԹ
Քաղաքականություն
02.06.2026 | 20:30
X սոցիալական հարթակում լայն տարածում է գտել մի տեսանյութ, որը ներկայացվում է BBC-ի լոգոյով։ Դրանում պնդում կա, թե Ֆրանսիան 800 զինվոր է ուղարկում Հայաստան։ Առաջին հայացքից այն համոզիչ է թվում. օգտագործված է BBC-ի լոգոն, կան ռազմական կադրեր, տեսանյութը կառուցված է լրատվական ոճով։ Այս ամենն էլ շատերի մոտ տպավորություն է ստեղծում, թե խոսքն իսկապես միջազգային լրատվական նյութի մասին է։
Սակայն փաստերի ստուգումը ցույց է տալիս, որ նման տեսանյութ BBC-ի կողմից երբևէ չի հրապարակվել։ BBC-ի պաշտոնական կայքում, լրատվամիջոցի այլ հարթակներում նման նյութ չկա։ Սա նշանակում է, որ լրատվամիջոցի անունն ու լոգոն պարզապես օգտագործվել են՝ կեղծ պատմությանը վստահելի տեսք հաղորդելու համար։
Տեսանյութում ներկայացված կադրերը չեն համապատասխանում դրա բովանդակությանը։ Դրանք իրական են, սակայն արված են այլ ժամանակ և այլ համատեքստում, մասնավորապես, 2022 թվականին Ռումինիա ֆրանսիական զորքեր տեղափոխելու կադրերից են: Այսինքն՝ օգտագործվել են իրական նյութեր, բայց դրանք վերամշակվել և ներկայացվել են որպես բոլորովին այլ իրադարձություն։
Հայաստանի Պաշտպանության նախարարությունը հերքել է տարածվող տեղեկությունները՝ նշելով, որ դրանք չեն համապատասխանում իրականությանը։ Այսպիսով՝ խոսքը ոչ թե փաստի, այլ ԱԲ գործիքներով ձևավորված մանիպուլյատիվ բովանդակության մասին է։
Թեմայի մասին Factor TV-ի առավել մանրամասն հրապարակմանը ծանոթացեք այստեղ:
Մանրամասները՝ տեսանյութում։
Անի Թամրազյան
