16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Աշխատավարձը 10 անգամ բարձր է․ Մոստովոյը Սպերցյանին խորհուրդ է տվել տեղափոխվել Սաուդյան Արաբիա
02.06.2026 | 16:19
Ռուսաստանի հավաքականի նախկին ֆուտբոլիստ Ալեքսանդր Մոստովոյն անդրադարձել է ռուսական «Կրասնոդարի» կիսապաշտպան Էդուարդ Սպերցյանի հնարավոր տեղափոխությանը Սաուդյան Արաբիա։ Ավելի վաղ ֆուտբոլային գործակալ Տիմուր Գուրցկայան հայտնել էր, որ Հայաստանի ազգային հավաքականի ավագն առաջարկ ունի Սաուդյան Արաբիայի առաջատար ակումբներից մեկից։
«Նրա տեղափոխությունը Սաուդյան Արաբիա իրատեսական է։ Եվրոպական ակումբներում կա մեծ մրցունակություն, և նրանք մեծ գումարներ չեն վճարի, իսկ Սաուդյան Արաբիայում փողը չեն հաշվում։ Այո, Սպերցյանն ասել է, որ ցանկանում է տեղափոխվել Եվրոպա, բայց մինչև այժմ չունի նման առաջարկներ։
Եթե նա ինձ հարցներ Սաուդյան Արաբիայի մասին, ես խորհուրդ կտայի տեղափոխվել այնտեղ, որովհետև աշխատավարձը 10 անգամ ավելի բարձր կլինի։ Նա կարող է չխաղալ Եվրոպայում, և կարող է չխաղալ նաև Սաուդյան Արաբիայում, բայց գումարը շատ ավելի մեծ կլինի։ Բացի այդ, միշտ կարելի է վերադառնալ Ռուսաստան: Եթե Իսպանիայից առաջարկեին մեկ միլիոն եվրոյի պայմանագիր, Ֆրանսիայից՝ մեկուկես միլիոնի և Սաուդյան Արաբիայից՝ տասը միլիոն եվրոյի, ես կընտրեի վերջինը և կմեկների նրա հետ»,- անվանի ֆուտբոլիստի խոսքը մեջբերում է Metaratings-ը։
Էդուարդ Սպերցյանը «Կրասնոդարի» սան է, գործող պայմանագիրը նախատեսված է մինչև 2029թ․ հունիսի 30-ը։ Ռուսաստանի ավարտված առաջնությունում 25-ամյա կիսապաշտպանը մասնակցել էր բոլոր՝ 30 խաղերին, դարձել 13 գոլի ու 16 գոլային փոխանցման հեղինակ։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
