06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
UWW-ն Ջանես Նազարյանին ճանաչել է մայիսի լավագույն հունահռոմեական ոճի ըմբիշ․ ԼՈՒՍԱՆԿԱՐ
02.06.2026 | 15:43
Հայաստանի ներկայացուցիչ Ջանես Նազարյանն Ըմբշամարտի միջազգային ֆեդերացիայի (UWW) կողմից ճանաչվել է հունահռոմեական ոճի լավագույն ըմբիշ մայիսի արդյունքներով, հաղորդում է UWW-ի մամուլի ծառայությունը։
Բուլղարիայի Սամոկով քաղաքում անցյալ ամիս անցկացված Եվրոպայի մինչև 17 տարեկանների առաջնությունում 16-ամյա ըմբիշը չեմպիոն էր դարձել 71 կգ քաշային կարգում։ Ամբողջ առաջնության ընթացքում Ջանես Նազարյանը ոչ մի միավոր տանուլ չէր տվել մրցակիցներին։
«Մեկ մրցաշրջան առաջ Եվրոպայի Մ-17 առաջնության եզրափակիչում պարտվելուց հետո, Նազարյանը 2026 թվականին նույնպես անմասն չմնաց մեդալներից։ Նա Բուլղարիայում ընհանուր 37-0 հաշվով հաղթեց իր 5 մրցակիցներին և նվաճեց 71 կգ քաշային կարգի չեմպիոնի տիտղոսը»,- նշված է UWW-ի հաղորդագրության մեջ։
