02.06.2026 | 10:33
ՌԴ-ն զանգվածային հարված է հասցրել Ուկրաինային․ զոհվել է 10 մարդ, վիրավորվել՝ 116-ը
Իջևանի համայնքին են վերադարձվել Աչաջուրի և Գետահովիտի մշակույթի տներում վարձակալությամբ տրված տարածքները
Հասարակություն
02.06.2026 | 09:33
Տավուշի մարզի դատախազության ուսումնասիրություններով պարզվել է, որ Աչաջուրի և Գետահովիտի մշակույթի տների տարածքները վարձակալության են հանձնվել «Գնահատման գործունեության մասին» օրենքի պահանջների խախտմամբ։ Դատախազական ներգործության արդյունքում պայմանագրերը լուծվել են, պետական գրանցումները՝ չեղարկվել, իսկ տարածքները վերադարձվել են Իջևան համայնքի տիրապետմանն ու օգտագործմանը։
«Տավուշի մարզի դատախազության կողմից պետական (համայնքային) շահերի պաշտպանության հայց հարուցելու լիազորության շրջանակում կատարված ուսումնասիրություններով պարզվել է՝
- Աչաջուր բնակավայրի Մշակույթի տան առաջին հարկի 31,9 քմ մակերեսով տարածքը, «Գնահատման գործունեության մասին» ՀՀ օրենքի պահանջների խախտմամբ, ամսական 2000 դրամով հանձնվել է վարձակալության:
- Գետահովիտ բնակավայրի Մշակույթի տան 9,2 քմ մակերեսով տարածքը, «Գնահատման գործունեության մասին» ՀՀ օրենքի պահանջների խախտմամբ, ամսական 5000 դրամ վարձավճարով հանձնվել է վարձակալության:
Դատախազական ներգործության արդյունքում՝ Իջևան համայնքի կողմից վարձակալության պայմանագրերը լուծվել են, վարձակալության իրավունքի պետական գրանցումները չեղարկվել են և Իջևան համայնքի տիրապետմանն ու օգտագործմանն են վերադարձվել Աչաջուր և Գետահովիտ բնակավայրերի մշակույթի տներում գտնվող՝ 31,9 քմ և 9,2 քմ մակերեսով անշարժ գույքերը»,- ասված է հաղորդագրությունում։
