23.10.2026 | 23:15
«Մանկական Եվրատեսիլ»-ի քվեարկության առաջին փուլը կմեկնարկի այս գիշեր
Կենդանաբանական այգու տարածքը կընդլայնվի. այն երկրորդ մուտք կունենա․ ՏԵՍԱՆՅՈՒԹ
Հասարակություն
01.06.2026 | 11:16
Երևանի քաղաքապետարանը կենդանաբանական այգու տարածքի ընդլայնման ուղղությամբ աշխատանքներ է իրականացրել։ Գործակարգավարական նիստի ժամանակ քաղաքապետարանի բնապահպանության վարչության պետի ժամանակավոր պաշտոնակատար Սիրարփի Հայակազյանն ասաց, որ համայնքային սեփականություն հանդիսացող երեք հողակտորներ, որոնց ընդհանուր մակերեսը շուրջ 13 000 քառակուսի մետր է, կենդանաբանական այգուն են միացվել։
«Ընդ որում, այս պահին իրականացվում են պահեստային շինությունների տեղադիրքը և դրանց շինարարական աշխատանքները, որոնք արդեն ավարտական փուլում են։ Ուստի այստեղ միացված տարածքը հնարավորություն է տալու վարչական աշխատակազմի համար առանձին ծառայողական մուտք ապահովելու, ինչը որոշ չափով բեռնաթափելու է Մյասնիկյանից մուտքը։ Այստեղ հնարավորություն կլինի արդեն Նոր Նորքից մուտք գործել, և վարչական անձնակազմը կսպասարկվի այս մուտքով»,- ասաց նա։
Հայկազյանի խոսքով՝ ավտոկայանատեղու կառուցման համար միջազգային փորձն է ուսումնասիրվում, քանի որ այն հարում է ձորակին։
«Այսպիսի ռելիեֆ ունեցող տարածքներում մուտք ապահովելու համար սովորաբար օգտագործվում են կամ վերելակներ, կամ աստիճանավանդակներ, և այս պահին ուսումնասիրում ենք դրանց իրագործելիությունը։ Սա կծառայի որպես երկրորդ մուտք կենդանաբանական այգու համար։ Այսպիսով՝ Գյուրջյան և Մասիվ, Ավան թաղամասերի բնակիչները կկարողանան արդեն ոչ թե Մյասնիկյանի մուտքից օգտվել, այլ այս մուտքից օգտվել»,- ասաց Սիրարփի Հայկազյանը։
Մանրամասները՝ տեսանյութում։
Անի Թամազյան
