Քաղաքականություն
26.05.2026 | 17:40ԱՄՆ պետքարտուղար Մարկո Ռուբիոն Երևանում հայտարարեց, որ Վաշինգտոնը շարունակելու է աջակցել նախագահ Դոնալդ Թրամփի և վարչապետ Նիկոլ Փաշինյանի տեսլականին՝ Հարավային Կովկասում խաղաղության հաստատման ուղղությամբ։
Ռուբիոն նշեց, որ իր համար պատիվ է Երևանում արտգործնախարար Արարատ Միրզոյանի հետ նախաստորագրել «Թրամփի ուղի հանուն միջազգային խաղաղության և բարգավաճման» (TRIPP) նախագծի վերաբերյալ երկկողմ համաձայնագիրը։ Նրա խոսքով՝ այդ համաձայնությունը ամենախոշոր քայլերից մեկն է տարածաշրջանում խաղաղության և բարգավաճման ճանապարհն իրականություն դարձնելու ուղղությամբ։
Ռուբիոն ընդգծեց, որ Հայաստանի և ԱՄՆ-ի համագործակցությունը չի սահմանափակվում միայն TRIPP նախագծով, և Վաշինգտոնը շարունակում է զարգացնել հարաբերությունները տարբեր ուղղություններով։ Նրա խոսքով՝ նախագահ Թրամփի երկրորդ պաշտոնավարման շրջանի կարևոր ժառանգություններից մեկը լինելու է հենց այս համագործակցությունը։
ԱՄՆ պետքարտուղարը նաև հայտարարեց, որ կողմերը ստորագրել են համապարփակ ռազմավարական գործընկերության կանոնադրություն, որը սահմանում է երկկողմ հարաբերությունների նոր շրջանակը։ Ըստ Ռուբիոյի՝ այդ փաստաթուղթը նոր ուղի է բացում, որից օգուտներ կստանան ինչպես հայերը, այնպես էլ ամերիկացիները։
Մանրամասները՝ տեսանյութում։
