15.08.2026 | 11:12
65 տարեկանի սահմանափակումը վերացվում է․ մի շարք պաշտոններում այլևս տարիքային շեմ չի գործի
Զոհվածի ծնող եմ, շնորհակալ եմ Իսախանյանից, բայց կարա՞նք արտաշիրիմում անենք․ կինը դիմեց Փաշինյանին․ ՏԵՍԱՆՅՈՒԹ
Հասարակություն
26.05.2026 | 17:25
Կոտայքի մարզում քարոզարշավ իրականացնող Նիկոլ Փաշինյանին մոտեցավ մի կին, որը ներկայացավ որպես զոհվածի մայր և պատմեց, որ իր որդին զոհվել է Ջաբրայիլում 2020 թվականին։
«Պարոն Գագիկ Իսախանյանից շատ շնորհակալ եմ, ինձ օգնել ա, բայց հարց ունեմ։ Եթե հնարավոր ա, իմ երեխուն կարա՞ք արտաշիրիմում անեք։ Հուղարկավորված ա եղել Հադրութում, արտաշիրիմում եմ արել Ստեփանակերտ, հիմա Ստեփանակերտում ա, մի հատ ծաղիկ ես չեմ կարում խոնարհեմ»,- ասաց կինը՝ դիմելով Փաշինյանին։
Վարչապետն աարձագանքեց, որ թեման շատ նուրբ է և հրապարակային ձևաչափով չի կարող քննարկվել։
Կինը նաև պատմեց, որ զոհված որդու համար տրամադրված 10 միլիոն դրամ փոխհատուցմամբ տուն են գնել Չարենցավանում, սակայն այդ հանգամանքի պատճառով ընտանիքը զրկվել է այլ սոցիալական աջակցություններից։ Նրա խոսքով՝ տունը գրանցվել է որդու անունով, ինչի հետևանքով ընտանիքը չի կարողացել օգտվել բնակարանային ծրագրերից։
Փաշինյանն ի պատասխան նշեց, որ գործող կարգավորումներով աջակցությունը տրամադրվում է այն անձանց, ովքեր Հայաստանի Հանրապետությունում անշարժ գույք չունեն, սակայն խոստացավ հարցը քննարկել անհատական կարգով՝ համապատասխան հանձնաժողովի շրջանակում։
Մանրամասները՝ տեսանյութում։
Արփի Հակոբյան
