05.10.2026 | 12:20
Մեսիի հրաժեշտի հանդիպման տոմսերը սպառվել են 4 րոպեում
Հղի կնոջ՝ մեքենայից նետվելու դեպքով ամուսինը մեկ ամսով կալանավորվել է
Հասարակություն
25.05.2026 | 13:18
Դատարանը կալանավորել է Սևան-Ծափաթաղ ճանապարհին օրեր առաջ մահացած հայտնաբերված հղի կնոջ ամուսնուն։ Այս մասին հայտնում է Քննչական կոմիտեն։
Ըստ ՔԿ-ի՝ քրեական վարույթ է հարուցվել երկու հոդվածով։ «Քրեական օրենսգրքի 162-րդ հոդվածի 4-րդ մասի 1-ին և 4-րդ կետերով (ինքնասպանության հասցնելը` հղի կնոջ նկատմամբ մերձավոր ազգականի, զուգընկերոջ կամ նախկին զուգընկերոջ կողմից) և 344-րդ հոդվածի 2-րդ մասով (տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը)»,- հայտնում են իրավապահ կառույցից։
Ավելի վաղ ՆԳՆ-ն հայտնել էր, որ մայիսի 21-ին՝ ժամը 22:40-ի սահմաններում, ահազանգ է ստացվել, թե Սևան-Ծափաթաղ ճանապարհին՝ Ծովագյուղ բնակավայրի հատվածում, մահացած կին կա։ Դեպքի վայր մեկնած իրավապահները պարզել էին, որ Երևանի բնակիչ 21-ամյա երիտասարդը կնոջ՝ 22-ամյա Մարիաննա Բ․-ի հետ «Mercedes» մակնիշի ավտոմեքենայով դեպի Սևան ընթանալիս կենցաղային հարցերի շուրջ վիճաբանել է, որի ընթացքում կինը դուրս է նետվել մեքենայից և մահացել։ Երիտասարդը ձերբակալվել և ներկայացվել էր նախաքննական մարմին։
Անի Թամրազյան
