16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Սուտ է և երաշխավորում եմ. Փաշինյանը պնդում է` 300 հազար ադրբեջանցիների բնակեցում ՀՀ-ում չի լինելու․ ՏԵՍԱՆՅՈՒԹ
Քաղաքականություն
22.05.2026 | 14:22
ՀՀ վարչապետ Նիկոլ Փաշինյանը Factor.am-ի հարցին ի պատասխան հայտարարել է, որ իր իշխանության օրոք Հայաստանում ադրբեջանցիների բնակեցում չի լինելու և այդ առնչությամբ «ամբողջական երաշխիքներ» է տվել։
«Մեր իշխանության օրոք տալիս եմ երաշխիքներ, այո՛, տալիս եմ երաշխիքներ ամբողջական», – ասել է Փաշինյանը՝ անդրադառնալով «Ուժեղ Հայաստան» կուսակցության առաջնորդ Սամվել Կարապետյանի հայտարարություններին, թե իշխանությունները ստանձնել են «300 հազար ադրբեջանցիների ընդունելու պարտավորություն»։
Վարչապետը նշել է, որ այդ պնդումները սուտ են․ «Ես ասեցի, որ սուտ է և երաշխավորում եմ»։
Փաշինյանի խոսքով՝ վերադարձի թեմաներով նոր քննարկումներ չեն լինելու․ «Վերադարձի թեմա Ղարաբաղ չի լինելու, վերադարձի թեմա Նախիջևան չի լինելու, վերադարձի թեմա Բաքու չի լինելու, վերադարձի թեմա Սումգայիթ չի լինելու, վերադարձի թեմա Կիրովաբադ չի լինելու և վերադարձի թեմա Եվլախ չի լինելու, վերադարձի թեմա Գետաշեն չի լինելու և այլն և այդպես շարունակ, այո, երաշխավորում եմ»։
Նա հավելել է, որ այդ հարցերը «կոնֆլիկտի թեմա են, ոչ թե խաղաղության» և կրկին շեշտել․ «Սուտ է և երաշխավորում եմ»։ Անդրադառնալով Քյարքիի անվան հայտնվելուն Google Maps-ում՝ վարչապետն ասել է․ «Քյարքի անունը Google Maps-ում նոր չի հայտնվել, միշտ եղել ա, միշտ, միշտ և մնացածը…»։
Մանրամասները` տեսանյութում։
Նարեկ Կիրակոսյան
