26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Այդ տեսանյութի անձինք 2024-ից ՀՀ-ում չեն. Փաշինյան․ ՏԵՍԱՆՅՈՒԹ
Հասարակություն
22.05.2026 | 10:21
«Տալի՞ս եք երաշխիքներ, որ Ձեր իշխանության օրոք ադրբեջանցիներ չեն բնակեցվելու Հայաստանում»,- այսօր վաղ առավոտյան հրավիրված մամուլի ասուլիսի ժամանակ Factor TV-ի լրագրողը հարցով դիմեց վարչապետ Նիկոլ Փաշինյանին։
«Տալիս եմ երաշխիքներ, որ ոչ միայն իմ իշխանության…այսինքն՝ չէ, հենց մեր իշխանության օրոք, տալի՛ս եմ երաշխիքներ»,- պատասխանեց Փաշինյանը։
Անդրադառնալով FactorTV-ի մյուս հարցին՝ արդյո՞ք արձակուրդում գտնվող վարչապետին կարելի էր, որ ԱԱԾ-ն ինչ-որ տեղեկություններ փոխանցեր, և վարչապետն էլ՝ որպես թեկնածու, դա քարոզչության ժամանակ հայտարարի, Փաշինյանը պատասխանեց. «Ես արձակուրդի մեջ եմ, լավ, ուրեմն ինչի՞ եք ինձ հարցնում հայ-ռուսական հարաբերությունների մասին։ Ես էլ կարող եմ ասել՝ արձակուրդի մեջ եմ, տեղյակ չեմ՝ ինչ է կատարվում ընդհանրապես։ Հասկացանք, որ արձակուրդի մեջ եմ, բայց վարչապետն եմ, չէ՞։ Հիմա Հայաստանի Հանրապետությունը վարչապետ ունի՞, թե՞ չունի։ Բնականաբար, ինձ ամեն օր զեկուցվում է իրադրությունը, բա տեղյակ չլինե՞մ»։
FactorTV-ն հետաքրքրվել էր նաև շաբաթ օրը համացանցում հայտնված տեսանյութի մասին, որտեղ դիմակավորված անձինք սպառնում էին վարչապետին, արդյո՞ք իրավապահները հայտնաբերեցին նրանց, ինչո՞ւ է հապաղում նրանց հայտնաբերումը։
«Ես կարծում եմ՝ մենք անձանց շրջանակը պարզաբանել ենք մոտավոր։ Եվ ըստ էության, այն անձինք, որոնց մենք կարծում ենք, որ այդ տեսանյութի մեջ են, իրենք 2024 4 թվականից Հայաստանում չեն։ Սա օպերատիվ տեղեկություն է, որովհետև մենք ապացույց չունենք։ Մենք անուն-ազգանուններ ունենք, և բնականաբար, նրանց հայտնաբերելու ուղղությամբ ջանքեր ենք գործադրել և տեսել ենք, որ նրանք 2024 թվականից Հայաստանում չեն։ Եվ ավելին, նախկինում մեծ հավանականությամբ նրանք այլ գործերով մեր հետաքրքրության տիրույթում են եղել, մասնավորապես՝ հնարավոր է ապօրինի վարձկանության տրամաբանության մեջ գտնվող անձինք լինեն իրենք։ Հնարավոր է, բայց սա ընդամենը օպերատիվ տեղեկություն է»։
Մանրամասները՝ տեսանյութում։
