16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Սրիկայություն է նման բան ասելը․ Արարատ Միրզոյանը՝ 300.000 ադրբեջանցիների Հայաստան գալու մասին․ ՏԵՍԱՆՅՈՒԹ
Քաղաքականություն
21.05.2026 | 17:16
Factor TV-ի լրագրողն արտաքին գործերի նախարար Արարատ Միրզոյանին այսօր հարց ուղղեց ընդդիմության՝ մասնավորապես «Ուժեղ Հայաստան»-ի այն պնդումների մասին, թե ՔՊ-ի ընտրվելու դեպքում Հայաստան են գալու 300.000 ադրբեջանցիներ, ընդ որում՝ կուսակցության առաջնորդ Սամվել Կարապետյանը վերջին օրերին հնչեցրել է ընդհուպ 500.000 թիվը։
«Պարոն Միրզոյան, ընդդիմությունը՝ ի դեմս «Ուժեղ Հայաստանի», շարունակում է պնդել, որ ձեր ընտրվելու դեպքում Հայաստան են գալու 300.000 ադրբեջանցիներ։ Ճիշտ է՝ Նիկոլ Փաշինյանը և իշխանության տարբեր ներկայացուցիչներ արձագանքել են՝ ասելով, որ Հայաստանի օրակարգում նման հարց չկա, սուտ է և այլն, բայց մենք հիշում ենք, որ ՀՀ Սահմանադրությունը՝ Ալիևի պահանջով փոխելու հարցին ի պատասխան էլ էիք ասում, որ չկա նման բան։ Մինչդեռ հիմա պարզ է, որ Սահմանադրությունից հանվելու է Անկախության հռչակագրի մասին հիշատակումը, այն, ինչ պահանջում է Ալիևը։ Հիմա հարց՝ կարո՞ղ եք հստակ բացառել, երաշխավորել և ասել՝ որ 300.000 ադրբեջանցիների վերադարձ չի լինելու ոչ մի դեպքում»,- հետաքրքրվել է մեր լրագրողը։
Ի պատասխան Արարատ Միրզոյանը հայտարարել է, որ նման հարց երբևէ չի քննարկվել, չի քննարկվում և չի էլ քննարկվելու։ «Դա սուտ է ինքնին, նման բան ասողն էլ սրիկայություն է անում ուղղակի»,- այսպես է արձագանքել արտաքին գերատեսչության ղեկավարը։
Մանրամասները՝ տեսանյութում։
Նարեկ Կիրակոսյան
