«Մեր մեծագույն ջանքերի շնորհիվ ես ուզում եմ փաստել, որ մենք օրեցօր ավելի ենք մոտենում վիզաների ազատականացմանը, և սա կրկին շատ կարևոր և պատասխանատու արձանագրում է մեզ համար»,- այս մասին Եվրոպական հանձնաժողովի Միգրացիայի և ներքին գործերի գլխավոր տնօրենի տեղակալ Յոհաննես Լուխների հետ համատեղ ասուլիսի ժամանակ ասաց ՀՀ ներքին գործերի նախարար Արփինե Սարգսյանը։
Նրա խոսքով՝ Լուխների այցը խորհրդանշական է, քանի որ նա է Եվրոպական կողմի այն պատասխանատու պաշտոնյան, որն ի սկզբանե փոխգործակցության կողմ է հանդես եկել գործողությունների ծրագրում։
«Այս գործընթացը միայն Հայաստանի Հանրապետության քաղաքացիների համար շարժունակության տեսանկյունից դյուրացման գործընթաց չէ. այն վստահության, արժանապատիվ գործընկերության և Եվրոպական ընտանիքի հետ ավելի սերտ կապեր հաստատելու մասին է: Եվ ես ուզում եմ փաստել, որ մի կողմից այս գործընթացը արժանապատիվ ճամփորդության հնարավորություն է տալու Հայաստանի Հանրապետության քաղաքացիներին, մյուս կողմից նաև հնարավորություն է Հայաստանի իշխանությունների համար ապահովելու երկարաժամկետ ինստիտուցիոնալ փոփոխություններ ՀՀ-ում»։
Նախարարն ընդգծեց՝ սա պարզապես հերթական պրոցեսը չէ Հայաստանի Հանրապետության համար. «Սա կարևոր պրոցես է ապահովելու ինստիտուցիոնալ տարբեր փոփոխություններ Հայաստանի Հանրապետության տեսանկյունից: Եվ կարևոր էր այն, որ մենք ունեցանք նաև այս փուլում անդրանիկ գագաթնաժողովը Հայաստան-Եվրոպական Միություն և դրանով նաև ստորագրեցինք կարևորագույն փաստաթղթեր»։
Մանրամասները՝ տեսանյութում։
Ռոզա Վարդանյան
