28.09.2026 | 18:10
ԲՀԿ-ի մասով ԵԽԽՎ-ն խնդիր է տեսել ընտրություններում // Զինվորի մահվան գործով կալանավորված կա․ ԼՈՒՐԵՐ
23 մլն դրամ կանխիկ․ ինչ է հայտարարագրել Էդմոն Մարուքյանը
19.05.2026 | 19:58
Առաջիկա խորհրդարանական ընտրությունների մասնակից ուժերի ներկայացուցիչները Կենտրոնական ընտրական հանձնաժողով են ներկայացրել իրենց գույքի և եկամուտների հայտարարագրերը՝ 2026-ի ապրիլի 1-ի դրությամբ։ Factor.am-ն ուսումնասիրել է դրանք և առանձնացրել է քաղաքական ուժերի ցուցակների առաջին թեկնածուների ունեցվածքը։
«Լուսավոր Հայաստան» կուսակցության ցուցակի առաջին համար Էդմոն Մարուքյանը նախորդ տարում մոտ 4․8 մլն դրամ եկամուտ է ունեցել։ Նա աշխատել է 2 ընկերություններում՝ «Կոնտինենտալ թրեյդինգ քամփնի», որտեղից ստացել է 2․3 մլն դրամ աշխատավարձ, և «Գլոբալ ռիթեյլ», որտեղից ստացել է 2․28 մլն դրամ աշխատավարձ։ Այս 2 ընկերությունները զբաղվում են մեծածախ և մանրածախ առևտրով։ Եվս 189 հազար դրամ Մարուքյանը հոնորար է ստացել Լիբերալ քաղաքականության ինստիտուտից։
Հայտարարագրի ներկայացման դրությամբ նրա կանխիկը կազմել է 23․2 մլն դրամ և 1565 եվրո։
Մարուքյանը հայտարարագրել է Երևանում 1 բնակարան (121․7 քմ), ավտոտնակ (18․8 քմ), խորդանոց (5․4 քմ), և Վանաձորում 1 բնակարան (51․54 քմ), ինչպես նաև Toyota Camry 2.0 Hxs Hev Sport Plus մակնիշի ավտոմեքենա (2024թ․ արտադրության)։
Գայանե Խաչատրյան
