16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
178 հազար եվրո՝ որպես շահաբաժին․ ինչ է հայտարարագրել Սուրեն Պետրոսյանը
Հասարակություն
19.05.2026 | 13:03
Առաջիկա խորհրդարանական ընտրությունների մասնակից ուժերի ներկայացուցիչները Կենտրոնական ընտրական հանձնաժողով են ներկայացրել իրենց գույքի և եկամուտների հայտարարագրերը՝ 2026-ի ապրիլի 1-ի դրությամբ։ Factor.am-ն ուսումնասիրել է դրանք և առանձնացրել է քաղաքական ուժերի ցուցակների առաջին թեկնածուների ունեցվածքը։
«Ժողովրդավարական համախմբում» կուսակցության նախընտրական ցուցակը գլխավորող Սուրեն Պետրոսյանն իր գույքի և եկամուտների հայտարարագրում նշել է, թե չի աշխատում։ Նրա միակ եկամտի աղբյուրը ֆրանսիական «Edelweiss group» ընկերությունից ստացած շահաբաժինն է՝ 178 հազար եվրո։ Սակայն թե ինչքան բաժնեմաս ունի ֆրանսիական այդ ընկերությունում, Պետրոսյանը չի հայտարարագրել։
2026-ի ապրիլի 1-ի դրությամբ նա ունեցել է 4․7 մլն դրամ կանխիկ գումար։
Պետրոսյանը Երևանի Քանաքեռ-Զեյթուն վարչական շրջանում ունի 2 բնակարան (104․5 քմ և 47․6 քմ)։ Նա հայտարարագրել է նաև հողամաս Տավուշի Ենոքավան համայնքում, և դրա մակերեսի սյունակում գրել է 950։ Քանի որ անշարժ գույքի մակերեսը հողամասի դեպքում պետք է նշվի «հեկտար»-ով, նշանակում է Պետրոսյանի հողատարածքը 950 հեկտար է։
Թեկնածուն հայտարարագրել է 2 ավտոմեքենա՝ Genesis G80 3.8 (2018թ․ արտադրության) և SKODA FABIA 1.2 SKODA FABIA 1.2 (2008 թ․ արտադրության)։
Գայանե Խաչատրյան
