18.05.2026 | 17:32
Անցած տարի՝ առանց եկամուտի․ ինչ է հայտարարագրել Լևոն Զուրաբյանը
Ըստ դստեր՝ Փաշինյանի հետ վեճի բռնված կնոջն առաջարկել են ազատման դիմում գրել
Հասարակություն
18.05.2026 | 16:48
ՀՀ վարչապետ, «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանի հետ Արաբկիրում վեճի բռնված կնոջը` թիվ 16 պոլիկլինիկայի մանկաբարձ-գինեկոլոգ, բժշկական գիտությունների թեկնածու Արփինե Սողոյանին պոլիկլինիկայում առաջարկել են աշխատանքից ազատման դիմում գրել։ Տեղեկությունը Factor.am-ին հայտնեց նրա դուստրը՝ փաստաբան Տաթևիկ Սողոյանը։
«Մայրս դիմում չի գրել, այս պահին աշխատանքից հեռացված չէ։ Երբ կլինի իրավական ակտ դեպքի վերաբերյալ, արդեն մեկնաբանություններ կարող եմ տալ»,- ասաց փաստաբանը։
Հիշեցնենք, որ այսօր Երևանի Արաբկիր վարչական շրջանում այսօր տեղի է ունեցել Նիկոլ Փաշինյանի քարոզարշավը, որի ընթացքում նա սուր բանավեճի է բռնվել մի կնոջ հետ։ Կինը մոտեցել է Փաշինյանին և նրան մեղադրել «հայրենիքը գողանալու» և «մի ամբողջ սերունդ ոչնչացնելու» մեջ։
Ավելի ուշ պարզվել է, որ Փաշինյանին մոտեցած կինը մանկաբարձ-գինեկոլոգ Արփինե Սողոյանն է, որի հարազատ եղբայրը 44-օրյա պատերազմում անհետ կորած փոխգնդապետ բժիշկ Հրանտ Պապիկյանն է:
Անի Թամրազյան
