19.12.2025 | 14:36
19 մլն դրամ կորցրի Գազպրոմի անունից խաղարկության, 17 հզր դոլար էլ`«Deliver» կազմակերպությունից. տուժած. ՏԵՍԱՆՅՈՒԹ
Ինչ նպատակով է Նիկոլ Փաշինյանը քայլերթ իրականացնում և ինչ ընթացք կստանա քարոզարշավը․ կարծիքներ․ ՏԵՍԱՆՅՈՒԹ
Քաղաքականություն
23.11.2018 | 17:50
Քաղտեխնոլոգ Արմեն Բադալյանի համոզմամբ՝ արտահերթ խորհրդարանական ընտրությունների քարոզարշավին մասնակից կուսակցությունների արձանագրած արդյունքը պայմանավորված է մասնակից կուսակցությունների ակտիվության աստիճանով։
«Նախընտրական շրջանում ասվում էր, որ քարոզարշավը տևելու էր 12 օր, բայց չէ՞ որ այս մասնակից կուսակցությունները կարող էին դեռևս նոյեմբերի մեկից սկսած ակտիվ աշխատել մամուլի հետ, հրավիրել ասուլիսներ, իսկ նրանք դա չարեցին, հետևաբար դա նշանակում է, որ նրանք ամենայն լրջությամբ չեն պատկերացնում այն, ինչ սպասվում է, ուստի ինձ համար կանխատեսելի է ամբողջությամբ այս քարոզարշավի ընթացքը»,- այսօր հրավիրված մամուլի ասուլիսի ժամանակ նման տեսակետ հայտնեց քաղտեխնոլոգը՝ շեշտելով, որ որևէ խախտում ինքը չի տեսնում նրանում, որ օրինակ, Նիկոլ Փաշինյանը պատրաստվում է քայլերթ իրականացնել։
Ասուլիսին մասնակից մեկ այլ քաղտեխնոլոգ Կարեն Քոչարյանն էլ ընդգծեց, որ անհիմն է համարում մասնակից կուսակցությունների այն հիմնավորումները, թե քարոզարշավ իրականացնելու համար ունեն շատ քիչ՝ 12 օր․ որովհետև այն որ ընտրություններ են լինելու, հայտնի էր դեռ մայիս ամսից, ուստի պետք էր դեռևս այդ ժամանակից պատրաստվել քարոզարշավին։
«Ինչ վերաբերում է Նիկոլ Փաշինյանի ծրագրած երթին, ապա դրա հիմնական պատճառն այն է, որ ցանկանում է ստուգել, եթե շատ մարդ եղավ քայլերթին, ինքը սև և սպիտակ չի անելու, եթե քիչ մարդ եղավ քայլերթին, ապա նման բաժանում է անելու»,- ասաց քաղտեխնոլոգը՝ շեշտելով, որ սև ու սպիտակի տարանջատման մասով շատ ճիշտ մարտավարություն է ընտրել ՀՀԿ-ն։
«Մի հատ նայեք նրանց լոգոյին»,- ասաց Քոչարյանը։
Մանրամասները՝ տեսանյութում։
