28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
«Մանրամասները կքննվեն»․ Ավանեսյանը՝ ՔՊ-ի պաստառը պոկած և հոգեբուժարանում ինքնասպանության դեպքի մասին․ ՏԵՍԱՆՅՈՒԹ
Քաղաքականություն
18.05.2026 | 15:28
«Խորը ցավակցություն եմ հայտնում իր հարազատներին, ընտանիքի անդամներին։ Շատ ցավալի դեպք է տեղի ունեցել, և ինչպես բոլոր դեպքերում, մանրամասները կքննվեն և կհասկանանք՝ արդյոք ընթացակարգով սահմանված բոլոր միջոցառումները պատշաճ իրականացվել են և ի՞նչն է, ի վերջո, խնդիրը եղել, եթե եղել է խնդիր»,- Factor TV-ի հետ զրույցում ասաց առողջապահության նախարար Անահիտ Ավանեսյանը՝ անդրադառնալով Նուբարաշենի հոգեբուժարանում ինքնասպանության դեպքին։
Նշենք, որ քաղաքացին ձերբակալվել էր ՔՊ-ի նախընտրական պաստառը պոկելու համար։ Քննչական կոմիտեից հայնտել էին․ «Ստացված հաղորդման հիման վրա նախաձեռնվել է քրեական վարույթ՝ Քրեական օրենսգրքի 211-րդ հոդվածի 1-ին մասով (քարոզչություն կատարելուն կամ քարոզչություն կատարելուց հրաժարվելուն հարկադրելը կամ քարոզչություն կատարելուն այլ կերպ խոչընդոտելը)»:
Այս հայտարարությունից հետևում է, որ նախընտրական պաստառ պոկելը որակվել է նախընտրական քարոզչությանը խոչընդոտել, որի համար քաղաքացին ձերբակալվել է ու ներկայացվել Քննչական կոմիտե:
Factor TV-ի տեղեկություններով՝ կոմիտեում քննվող վարույթի շրջանակներում ինքնասպան եղած Արմեն Հովհաննիսյանին դեռևս մեղադրանք ներկայացված չի եղել, բայց ձերբակալվածի կարգավիճակ է ունեցել: Ի սկզբանե, նա տեղափոխվել է ձերբակալվածների պահման վայր, ապա՝ Նուբարաշենի հոգեբուժարան:
Մանրամասները՝ տեսանյութում։
