16.05.2026 | 18:16
ՀՀ ԱԳ փոխնախարարը Քիշնևում անդրադարձել է արտաքին տեղեկատվական միջամտությունների սպառնալիքներին
Գործազուրկ, բայց խոշոր եկամուտով. ինչ է հայտարարագրել Հայկ Մարությանը
Քաղաքականություն
16.05.2026 | 16:44
Առաջիկա խորհրդարանական ընտրությունների մասնակից ուժերի ներկայացուցիչները Կենտրոնական ընտրական հանձնաժողով են ներկայացրել իրենց գույքի և եկամուտների հայտարարագրերը՝ 2026-ի ապրիլի 1-ի դրությամբ։ Factor.am-ն ուսումնասիրել է դրանք և առանձնացրել է քաղաքական ուժերի ցուցակների առաջին թեկնածուների ունեցվածքը։
«Նոր ուժ» ռեֆորմիստական կուսակցության ցուցակի առաջին համար Հայկ Մարությանն անցած տարի գործազուրկ է եղել, սակայն զգալի եկամուտ է ստացել Չեխիայում և Ավստրիայում իր ունեցած գույքերը վարձակալության հանձնելուց, մասնավորապես՝ Չեխիայից եկամուտը կազմել է ընդհանուր 2 մլն չեխական կրոն, Ավստրիայից՝ 34 հազար 671 եվրո։ Մարությանը նաև 80 հազար եվրո նվիրատվություն է ստացել Եվրա Ջակեսովայից, «ԱԱԱ Պրոջեքտս» ՍՊԸ-ից ստացել է 17 մլն դրամ և 6316 դոլար շահաբաժին։ Նա 2 գույք է վաճառել՝ Պետեր Սրպին՝ 7․2 մլն չեխական կրոն արժեքով, և Կարինե Խաչատրյանին՝ 65 մլն դրամով։ Մարությանը հայտարարագրել է 76․1 մլն դրամ, 2․6 մլն չեխական կրոն, 122․7 հազար եվրո, 154․7 հազար դոլար դրամական միջոցներ։ Նրան է պատկանում «ԱԱԱ Պրոջեքտս»-ի 100% բաժնեմասը։
Մարությանի անշարժ գույքը հիմնականում արտերկրում է․ Չեխիայում՝ 7 հողամաս (0․15 հա), Պրահայում՝ 5 բնակարան և 1 բնակելի տուն, Ավստրիայի մայրաքաղաք Վիեննայում՝ 3 բնակարան, Երևանում՝ 1 բնակարան և 1 առանձնատուն։
Գայանե Խաչատրյան
