30.06.2026 | 12:18
Ամենախիստ պատժին պետք է արժանանա անձը, որի մեղավորությունը հաստատվում է ընտրակաշառքի հարցում․ Գալյան․ ՏԵՍԱՆՅՈՒԹ
«Նուբարաշեն» ՔԿՀ-ում կալանավորի դի է հայտնաբերվել
Հասարակություն
15.05.2026 | 10:45
Երեկ ենթադրյալ ինքնասպանության հերթական դեպքն է արձանագրվել բանտում. «Նուբարաշեն» ՔԿՀ-ի իր խցում կախված է հայտնաբերվել 52-ամյա կալանավորը։ Տեղեկությունը Factor TV-ի հարցմանն ի պատասխան հաստատեցին Քրեակատարողական ծառայությունից.
«Մայիսի 14-ին՝ ժամը 17։45-ի սահմաններում, ՀՀ արդարադատության նախարարության «Նուբարաշեն» քրեակատարողական հիմնարկի խցի սանհանգույցում հայտնաբերվել է 1974թ․ ծնված կալանավորված անձը՝ կախված վիճակում։ Անմիջապես կանչվել է շտապօգնություն, բուժանձնակազմի կողմից արձանագրվել է վերջինիս մահը»։
Factor TV-ի տեղեկություններով՝ կալանավորը մեղադրվում էր Քրեական օրենսգրքի 198-րդ հոդվածի 4-րդ մասի հատկանիշներով ենթադրյալ հանցագործություն կատարելու համար (սեռական հարաբերությունը կամ սեքսուալ բնույթի այլ գործողությունները, այդ թվում` սեռական հարաբերության նմանակումը կամ սեռական կարիքները բավարարելը, որոնք կատարվել են 12 տարին չլրացած անձի նկատմամբ)։
Ռոզա Վարդանյան
