06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Հունահռոմեական ոճի ըմբշամարտի Հայաստանի Մ-17 հավաքականը երկրորդն է ԵԱ-ի թիմային հաշվարկում
14.05.2026 | 16:49
Հունահռոմեական ոճի ըմբշամարտի Հայաստանի մինչև 17 տարեկանների հավաքականը երկրորդ տեղն է գրավել Բուլղարիայի Սամոկով քաղաքում ավարտված Եվրոպայի առաջնության թիմային հաշվարկում։
Եվրոպայի Մ-17 առաջնությունում հայ ըմբիշները նվաճել էին 2 ոսկե, 2 արծաթե ու 3 բրոնզե մեդալ:
Եվրոպայի Մ-17 չեմպիոն էին դարձել Ջանես Նազարյանը (71 կգ) և Վահե Հովեյանը (80 կգ): Զավեն Մեժլումյանը (65 կգ) և Ալեքսան Շալջյանը (92 կգ) արժանացել էին արծաթե մեդալի, իսկ Վազգեն Վարդանյանը (45 կգ), Արարատ Ավետիսյանը (48 կգ) և Գեղամ Եղիազարյանը (55 կգ) դարձել էին բրոնզ մեդալակիր։
Թիմային հաշվարկում Հայաստանի Մ-17 հավաքականը վաստակել է 145 միավոր։ Առաջին տեղը գրավել է Ռուսաստանը (170 միավոր), լավագույն եռյակը եզրափակել է Ադրբեջանը (118 միավոր)։
