06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
«Ջուր ծեծելու» ակցիայից առաջ դատարկվել է Կարապի լիճը․ ըստ պատասխանատուների՝ սանիտարական մաքրման օր է
Հասարակություն
14.05.2026 | 14:27
«Բոլորին դեմ եմ» կուսակցության ակցիային ընդառաջ առավոտյան դատարկվել է Կարապի լիճը։
Կուսակցությունը երեկ հայտնել էր, որ նախատեսում է այսօր «ջուր ծեծելու» ակցիա իրականացնել Կարապի լճում։
«Սա հերթական վկայությունն է, որ իշխանությունները ջուր ծեծելու հարցում մրցակիցներ չեն հանդուրժում։ Տեղեկացնում ենք, որ հայ քաղաքական միտքը ցանկացած անհնար իրավիճակում անգամ կգտնի ջուր ծեծելու հնարավորություն։ Այնպես, որ բոլորիդ սպասում ենք այսօր, նույն տեղում, նույն ժամին»,- հայտնում է «Բոլորին դեմ եմ»-ը։
Երևանի քաղաքապետարանի Կանաչապատում և շրջակա միջավայրի պահպանություն ՊՈԱԿ-ի տնօրեն Արմեն Բեգոյանը Factor.am-ի հետ զրույցում ասաց, որ շաբաթական մեկ օր մայրաքաղաքի արհեստական լճերն ու շատրվանները մաքրվում են և յուրաքանչյուրն ունի իր սանիտարական մաքրման օրը։
«Այսօր Կարապի լճի սանիտարական օրն է, դատարկվել է և մաքրվել այս պահի դրությամբ և հիմա ջուրը հետ է լցվում»,- ասաց նա։
Բեգոյանի խոսքով՝ մինչև երեկո լիճը լցված կլինի։
Անի Թամրազյան
Լուսանկարը՝ «Բոլորին դեմ եմ»-ի ֆեյսբուքյան էջից
