06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
5 մլն դրամ՝ հեռուստաաշտարակի էկրանին քաղաքական գովազդ տեղադրելու համար
14.05.2026 | 12:45
Հեռուստաաշտարակի էկրանին նախընտրական շրջանում գովազդ ցուցադրելու արժեքը 5 մլն դրամ է։ Արժեքը քարոզարշավի ամբողջ ընթացքի համար է։ Այս մասին Factor.am-ի հարցին ի պատասխան հայտնեց «Հայաստանի հեռուստատեսային և ռադիոհաղորդիչ ցանց» ՓԲԸ-ից։
Քաղաքական գովազդը միանում է 22:00-ից, յուրաքանչյուր օր մեկ ուժին հատկացվում է 450 վայրկյան։
Երեկ երեկոյան հեռուստաաշտարակին ցուցադրվում էր ՔՊ-ի կարգախոսը։
Ընկերությունից Factor.am-ին հայտնեցին, որ առայժմ միայն իշխող ուժն է գովազդ պատվիրել, թեև իրենք առաջարկով դիմել են ընտրություններին մասնակցող բոլոր ուժերին։
«Հայաստանի հեռուստատեսային և ռադիոհաղորդիչ ցանց» (ՀՀՌՑ) ՓԲԸ-ն գործում է բացառապես ՀՀ օրենսդրության շրջանակներում։
Հեռուստաաշտարակի էկրանին գովազդ տեղադրելու պաշտոնական հայտարարությունը հրապարակվել է դեռևս 2026 թվականի մայիսի 4-ին՝ ընկերության կայքում: Քաղաքական գովազդի հնարավորության մասին տվյալները հասանելի են նաև ՀՀ Կենտրոնական ընտրական հանձնաժողովի (ԿՀԸ) պաշտոնական կայքում:
Ընտրական օրենսգրքի համաձայն՝ գովազդային հարթակից օգտվելու հավասար հնարավորություն ունեն բոլոր քաղաքական ուժերը:
Այս պահին գովազդի տեղադրման հայտ է ներկայացրել միայն «Քաղաքացիական պայմանագիր» կուսակցությունը:
«Լիահույս ենք, որ առաջիկայում գովազդի տեղադրման հայտեր կներկայացնեն նաև մյուս քաղաքական ուժերը։ ՀՀՌՑ ՓԲԸ-ն իր գործունեությունն իրականացնում է օրենսդրությամբ սահմանված պահանջների պահպանմամբ՝ ապահովելով թափանցիկ, հավասար և ոչ խտրական պայմաններ բոլոր շահագրգիռ կողմերի համար»,- փոխանցեցին ընկերությունից։
Նարեկ Կիրակոսյան
