14.12.2024 | 12:52
NYMEX. Թանկարժեք մետաղների գները նվազել են
Իրանում մեկնարկել է հայկական ֆիլմերի շաբաթը
Մշակույթ
24.07.2017 | 17:17
Հուլիսի 23-ին Իրանի արվեստագետների տան «Նասերի» դահլիճում տեղի է ունեցել հայկական ֆիլմերի շաբաթվա բացման հանդիսավոր արարողությունը, որին ներկա էին ԻԻՀ-ում ՀՀ դեսպան Արտաշես Թումանյանը, դեսպանության դիվանագիտական անձնակազմը, Հայաստանից ժամանած կինոռեժիսորներ Արամ Շահբազյանն ու Արեն Վաթյանը, մեծաթիվ հյուրեր:
Այս մասին հայտնում են ՀՀ Արտաքին գործերի նախարարության լրատվական ծառայությունից։
Միջոցառման ընթացքում ներկայացվել են Իրանի երեք քաղաքներում՝ Թեհրանում, Մաշհադում և Շիրազում հուլիսի 23-ից 29-ը ցուցադրվելիք ֆիլմերն ու դրանց կարճ բովանդակությունը:
Հանդիսությանը ելույթով հանդես է եկել դեսպան Թումանյանը, ով ներկայացրել է հայկական կինոյի անցած ուղին և հայ-իրանական մշակութային առնչությունները:
Բացման արարողությանը հաջորդել է Արամ Շահբազյանի «Մոսկվիչ, իմ սեր» ֆիլմի ցուցադրությունը, որից հետո հայ կինոռեժիսորների մասնակցությամբ տեղի է ունեցել համատեղ քննարկում՝ նվիրված հայկական կինոարվեստի պատմությանն ու կինոյի ոլորտում հայ-իրանական համագործակցության հեռանկարներին:
