16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
«Որոշ հարցերում թերացել ենք»․ Մ․ Հայրապետյանը՝ «Հայաստան» համահայկական հիմնադրամին նվիրաբերված գումարի չափի մասին
Քաղաքականություն
23.11.2018 | 12:14
Սփյուռքի նախարարի պաշտոնակատար Մխիթար Հայրապետյանի համոզմամբ՝ «Հայաստան» համահայկական հիմնադրամում հանգանակված գումարի չափը կապված է մի շարք խնդիրների և կազմակերպչական հարցերի հետ։
Նախարարի պաշտոնակատարը ընդունում է՝ իրենք էլ որոշ հարցերում թերացել են և չեն կարողացել տեղավորվել ժամանակի մեջ։
«Եթե համեմատում ենք նախորդ տարվա ցուցանիշի հետ, ապա վստահ եմ, որ համապատասխան հետևություններ են արվելու։ Հետագայում նաև որոշակի կառուցվածքային փոփոխություններ կլինեն հիմնադրամում»,- այսօր հրավիրված մամուլի ասուլիսի ժամանակ ասաց Հայրապետյանը՝ նշելով, որ այս հարցում հարկավոր են խորքային փոփոխություններ ընդհանուր տրամադրությունը փոխելու համար։
Հիշեցնենք, որ «Հեռուստամարաթոն 2018»-ի «Հայաստան» համահայկական հիմնադրամին այս տարի նվիրաբերվեց 11 մլն 103 հազար 633 դոլար։
Նախարարի պաշտոնակատարը նշեց, որ, ընդհանուր առմամբ, Հայաստանը պետք է նաև հստակ ձևակերպի հետևյալ հարցը՝ իսկ ի՞նչ է Հայաստանը տալու սփյուռքին։
«Օրինակ՝ ինչպե՞ս կարելի էր տասը տարվա ընթացքում X համայնքի հետ գոնե մեկ տեսակապ չկազմակերպել, մարդիկ այնքան են ոգևորվում՝ մի կողմից դու ուրախանում ես, որ կարողացել ես այդ տեսակապը կազմակերպել, մի կողմից՝ գիտակցում, թե ինչքան բացթողումներ են եղել»,- ասաց Հայրապետյանը՝ շեշտելով, որ Հայաստանը սփյուռքին էլ իր աջակցությունը պետք է հայտնի, որն անպայման իր դրական ազդեցությունն է ունենալու, իսկ սփյուռքի հետ հարաբերություններն էլ առողջացնելու ու նոր որակի բերելու խնդիր ունեն։
