Խիստ հանձնարարականներ՝ զգայուն գործերի հսկողության վերաբերյալ․ Աննա Վարդապետյանը օպերատիվ խորհրդակցություն է անցկացրել

ՀՀ գլխավոր դատախազ Աննա Վարդապետյանի ղեկավարությամբ մայիսի 12-ին անցկացվել է օպերատիվ խորհրդակցություն, որի ընթացքում քննարկվել են զգայունություն ունեցող քրեական վարույթների հսկողությանը, վերահսկողությանը, ինչպես նաև աշխատանքի կազմակերպմանն ու կարգապահությանը վերաբերող հարցեր։ ՀՀ գլխավոր դատախազությունից հայտնում են, որ բարձրացված խնդիրների կապակցությամբ գլխավոր դատախազը տվել է խիստ հանձնարարականներ և սահմանել դրանց կատարման ժամկետներ։

«Հայաստանի Հանրապետության գլխավոր դատախազ Աննա Վարդապետյանի ղեկավարությամբ, 2026 թվականի մայիսի 12-ին տեղի է ունեցել օպերատիվ խորհրդակցություն:

Խորհրդակցությանը մասնակցել են ՀՀ գլխավոր դատախազի տեղակալներ Արամ Արամյանը, Լիլիթ Գրիգորյանը, Էդգար Արսենյանը, Եղիազար Ավագյանը, ՀՀ գլխավոր դատախազի տեղակալ, ՀՀ զինվորական դատախազ Գրիգոր Էլիզբարյանը, Երևան քաղաքի դատախազ Ռաֆայել Մանուկյանը, Գլխավոր դատախազության ստորաբաժանումների ղեկավարները, Երևան քաղաքի վարչական շրջանների, մարզերի և կայազորների դատախազները:

Քննարկվել են զգայունություն ունեցող դեպքերով նախաձեռնված քրեական վարույթների հսկողությանը, վերահսկողությանը, ինչպես նաև աշխատանքի կազմակերպմանն ու կարգապահությանը վերաբերող մի շարք հարցեր:

Բարձրացված խնդիրների կապակցությամբ Հայաստանի Հանրապետության գլխավոր դատախազը տվել է խիստ հանձնարարականներ, սահմանել դրանց կատարման ժամկետներ»,- ասված է հաղորդագրությունում։